Hálsmen
1972
Varðveitt hjá
Þjóðminjasafn Íslands
Hálsmen sem Dóra Jónsdóttir, gullsmiður í Gullkistunni á Frakkastíg í Reykjavík, smíðaði í tengslum við skákeinvígi Boris Spassky og Bobby Fischer (Robert Fischer) í Laugardalshöll árið 1972 sem kallað var „Einvígi aldarinnar“. Hálsmenið er smíðað úr silfri. Menið sjálft er flöt silfurplata, í lögun sem hrókur. Fyrir miðju hans er gat og í því hangir kúla, 1,2 cm í þvermál. Á meninu er útlínumynd af Íslandi og á framhliðinni stendur: ÍSLAND 1972 SPASSKY FISCHER. Þar er einnig stimpill: ICELAND. Á bakhliðinni er gæðastimpillinn 925 (þ. e. silfurmagnið, 925/1000 silfurs, svonefnt sterlingsilfur) og smiðsstimpill Dóru Jónsdóttur: DÓRA. Menið hangir í keðju, um 27 cm síðri. Dóra ákvað að færa safninu menið að gjöf í tilefni þess að árið 2012 var haldið upp á að 40 ár voru liðin frá einvíginu.
Aðrar upplýsingar
Ártal
1972
Efni
Safnnúmer
Safnnúmer B: 2013-10
Stærð
6.5 x 3.2 cm
Lengd: 6.5 Breidd: 3.2 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Hálsmen