Jólaskraut
1955 - 1960
Varðveitt hjá
Þjóðminjasafn Íslands
Jólaskraut, þrjár fígúrur, jólasveinar, festar saman með tvinna. Sveinarnir eru heimtilbúnir, úr rauðum lopa, með höfuð úr bómullarefni með tróði í. Húfurnar eru úr rauðu bómullarefni. Fígúrurnar eiga að vera móðir gefanda, maður hennar og frumburður. Kvenfígúran heldur á kústi sem útbúinn er úr pípuhreinsara og bómullarbandi, karlfígúrar heldur á nokkurs konar stafi úr pípuhreinsara og barnsfígúrar er minni en hinar. Þetta jólaskraut fékk móðir gefanda, Sigríður Steingrímsdóttir (f. 11.9.1927) að gjöf frá vinkonu sinni og nöfnu. Með því fylgir handskrifað bréf frá vinkonunni:
„(Ég læt þig vita að þetta er skrautritun, svo þú takir eftir því) Halló Sigga kalda, Hér sérðu sýnishorn af þér, manninum þínum og frumburðinum, vertu nú góð við manninn þinn svo að hann verði ekki svona súr á svipinn um jólin. éttu nú ekki yfir þig. Bless þín myndarlega nafna Sigga svala (snú) Ég gleymdi að setja sópinn í hendina á þér, þú reddar því.“
Ætla má að skrautið sé frá því um 1955-1960.
Allir munirnir nr. Þjms. 2013-9 eru jólaskraut, flestir frá því á árunum kringum 1960.
Aðrar upplýsingar
Ártal
1955 - 1960
Efni
Safnnúmer
Safnnúmer B: 2013-9-18
Aðfangategund
Undirskrár
Undirskrá: Munasafn
Efnisorð / Heiti