Til baka í leit
Veistu meira?

Frímerki

2010
Varðveitt hjá
Þjóðminjasafn Íslands
 Frímerki sem framleitt var í tilefni þátttöku Íslands í heimssýningunni EXPO 2010 í Shanghai í Kína. Á frímerkinu er mynd af íslenska skálanum á sýningunni og í baksýn er Jökulsárlón á Breiðamerkursandi. Frímerkið er í plastumslagi og þar með í er prentað spjald með upplýsingum um ýmsar vefsíður þar sem nálgast má efni um Ísland. Slíkir frímerkjapakkar voru framleiddir af Íslandspósti og seldir bæði hér á landi sem og gestum heimssýningarinnar. Gripirnir nr. 2011-76 eru allir frá heimssýningunni EXPO 2010 sem haldin var í Shanghai í Kína frá maí til október 2010. Gripirnir tengjast allir íslensku þátttökunni í sýningunni. Á sýningunni var sérstakur íslenskur skáli. Þátttaka Íslands var samstarfsverkefni hins opinbera og fyrirtækja. Þema sýningarinnar var borgarsamfélagið, undir einkunnarorðunum „Betri borg, betra líf“. Markmiðið með þátttöku Íslands var að vekja athygli á íslenskri orku og orkunýtingu, mannauði og menningu. Jafnframt var leitast við að skapa íslenskum fyrirtækjum viðskiptatækifæri. Þema Íslands var „Pure energy, healthy living“. Heimssýningin er haldin á fimm ára fresti með þátttöku flestra ríkja heims. (http://www.utanrikisraduneyti.is/frettir/nr/4699.)

Aðrar upplýsingar

Ártal
2010
Efni
Safnnúmer
Safnnúmer B: 2011-76-7
Stærð
21.2 x 10 cm Lengd: 21.2 Breidd: 10 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Frímerki
Heimildir