Til baka í leit
Veistu meira?

Diskur

2010
Varðveitt hjá
Þjóðminjasafn Íslands
 Ferhyrndur postulínsdiskur með ljósmynd á eftir Ragnar Axelsson ljósmyndara. Plattinn sjálfur er hvítur en myndin blá og hvít og blár kantur umhverfis. Slíkir diskar voru framleiddir sem minjagripir fyrir opinbera gesti á heimssýningunni EXPO 2010 í Shanghai í Kína. Hönnuðir voru Ámundi Sigurðsson og Páll Hjaltason. Diskurinn var framleiddur af Bening postulínsverksmiðjunum. Diskurinn er ónotaður og er í upprunalegum umbúðum úr pappa með sömu ljósmynd á og diskurinn. Á diskinum og umbúðunum er að auki merki sýningarinnar með áletrun þema Íslands sem var „Pure energy, healthy living“. Sjá ennfremur bolla nr. 2011-76-3 sem er með sömu mynd og bollinn. Gripirnir nr. 2011-76 eru allir frá heimssýningunni EXPO 2010 sem haldin var í Shanghai í Kína frá maí til október 2010. Gripirnir tengjast allir íslensku þátttökunni í sýningunni. Á sýningunni var sérstakur íslenskur skáli. Þátttaka Íslands var samstarfsverkefni hins opinbera og fyrirtækja. Þema sýningarinnar var borgarsamfélagið, undir einkunnarorðunum „Betri borg, betra líf“. Markmiðið með þátttöku Íslands var að vekja athygli á íslenskri orku og orkunýtingu, mannauði og menningu. Jafnframt var leitast við að skapa íslenskum fyrirtækjum viðskiptatækifæri. Þema Íslands var „Pure energy, healthy living“. Heimssýningin er haldin á fimm ára fresti með þátttöku flestra ríkja heims. (http://www.utanrikisraduneyti.is/frettir/nr/4699.)

Aðrar upplýsingar

Ártal
2010
Safnnúmer
Safnnúmer B: 2011-76-4
Stærð
21.8 x 21.8 x 2 cm Lengd: 21.8 Breidd: 21.8 Hæð: 2 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Diskur
Efnisorð: Minjagripur
Heimildir