Heiðursfélagaskjal
1968
Varðveitt hjá
Þjóðminjasafn Íslands
Heðursfélagaskjal Ásgeirs Ásgeirssonar, forseta Íslands, í Prestafélagi Íslands, dagsett 21. júní 1968. Skjalið er í harðspjaldakápu sem klædd er ljósbrúnu leðri og fóðruð með gulu satínefni. Á framhlið kápunnar er prentað gylltum stöfum: Forseti Íslands herra Ásgeir Ásgeirsson. Skjalið sjálft er fest við kápuna með röndóttri snúru í íslensku fánalitunum. Það er skrautritað á hvítan pappír með svörtum stöfum og umhverfis er teiknað skraut með rauðu, svörtu, grænu og bláu bleki. Í skjalinu stendur:
Forseti Íslands, herra Ásgeir Ásgeirsson. PRESTAFÉLAG ÍSLANDS hefir kjörið yður heiðursfélaga sinn. Í stjórn Prestafélags Íslands, 21. júní 1968 Gunnar Árnason form., Grímur Grímsson ritari, Guðm. Óli Ólafsson, Sigurjón Guðjónsson.
Gripirnir nr. Þjms. 2011-73 eru allir úr fórum Ásgeirs Ásgeirssonar, fyrrum forseta lýðveldisins. Þeir bárust með ljósmyndum í Ljósmyndasafn Íslands í Þjóðminjasafni 25. júní 2010 en eru nú skráðir í munasafn. Gefandi er Dóra Pálsdóttir, kennari, dótturdóttir Ásgeirs og Dóru konu hans.
Aðrar upplýsingar
Ártal
1968
Efni
Safnnúmer
Safnnúmer B: 2011-73-2
Stærð
37.2 x 25.3 cm
Lengd: 37.2 Breidd: 25.3 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Heiðursfélagaskjal