Skjal, + hlutv.
1952
Varðveitt hjá
Þjóðminjasafn Íslands
Skrautritað kjörbréf forseta Íslands, Ásgeirs Ásgeirssonar, dagsett 25. júlí 1952. Ásgeir var annar forseti Íslands og sá fyrsti sem kosinn var til þess embættis í almennum kosningum. Hann sat í embætti í fjögur kjörtímabil, frá 1952 til 1968. Skjalið er í blárri harðspjaldakápu. Á framhlið kápunnar er gyllt skjaldarmerki lýðveldisins og þar fyrir ofan stendur: KJØRBRÉF FORSETA ÍSLANDS. Skjalið sjálft er bundið við kápuna með snúru í íslensku fánalitunum og er skrautritað með bláu og rauðu bleki. Í því stendur:
Hæstiréttur Íslands gerir kunnugt; Stjórnarskrá lýðveldisins Íslands nr. 33 17. júní 1944 ber að skýra svo, að næsta kjörtímabil Forseta Íslands skuli hefjast hinn 1. ágúst 1952. Við kjör Forseta lýðveldisins, er fram fór 29. júní 1952, hefur í hvívetna verið gætt ákvæða laga nr. 36 12. febrúar 1945. Ásgeir Ásgeirsson bankastjóri hefur verið löglega kjörinn. Hann fullnægir öllum skilyrðum stjórnarskrárinnar um kjör Forseta Íslands. Samkvæmt þessu lýsir Hæstiréttur Íslands því, að ÁSGEIR ÁSGEIRSSON er rétt kjörinn FORSETI ÍSLANDS um kjörtímabil það, sem hefst 1. ágúst 1952 og lýkur 31. júlí 1956. Reykjavík 25. júlí 1952. Jón Ásbjörnsson, Árni Tryggvason, Jónatan Hallvarðsson, Gizur Bergsteinsson, Þórður Eyjólfsson.
Gripirnir nr. Þjms. 2011-73 eru allir úr fórum Ásgeirs Ásgeirssonar, fyrrum forseta lýðveldisins. Þeir bárust með ljósmyndum í Ljósmyndasafn Íslands í Þjóðminjasafni 25. júní 2010 en eru nú skráðir í munasafn. Gefandi er Dóra Pálsdóttir, kennari, dótturdóttir Ásgeirs og Dóru konu hans.
Aðrar upplýsingar
Ártal
1952
Efni
Safnnúmer
Safnnúmer B: 2011-73-1
Stærð
37.4 x 25.9 cm
Lengd: 37.4 Breidd: 25.9 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skjal, + hlutv.