Til baka í leit
Veistu meira?

Sleif, við matargerð

1963 - 1971
Varðveitt hjá
Þjóðminjasafn Íslands
Sleif úr mjúkum viði, handsmíðuð af Guðmundi Þorsteinssyni frá Lundi sem um tíma vann sem smiður í Þjóðminjasafninu. Sleifin er smíðuð úr viði kistanna sem Ása Guðmundsdóttir Wright lét útbúa á Trinidad til að flytja í gripi úr búi sínu til Íslands, þá gripi sem hún ánafnaði Þjóðminjasafni Íslands. Gripirnir bárust til safnsins á árunum 1963-1971. Hér þótti mönnum sóun í að farga svo góðum viði og notaði Guðmundur hann m. a. til viðgerða á ýmsum gripum í safninu. Hann smíðaði að auki ýmsa gripi úr viðnum, þar á meðal þessa sleif, sem hann gaf svo Þór Magnússyni (fyrrum þjóðminjaverði). Sleifin var um árabil notuð við matseld á heimili Þórs og Maríu konu hans, enda ber hún þess merki að hafa mikið verið notuð. Þór lánaði sleifina á sýningu um Ásu Wright sem opnuð var í Horninu í Þjóðminjasafninu 28. nóvember 2009. Í kjölfar sýningarinnar ákvað Þór að gefa sleifina til safnsins.

Aðrar upplýsingar

Ártal
1963 - 1971
Efni
Safnnúmer
Safnnúmer A: ÁW-145
Stærð
26.7 x 6.1 cm Lengd: 26.7 Breidd: 6.1 cm
Aðfangategund
Undirskrár
Undirskrá: Ása Wright_Safn (ÁW)
Efnisorð / Heiti