Haukalóð, lúðulóð

1900 - 1950

Varðveitt hjá

Haukalóð (flyðrulóð) frá bænum Haga á Barðaströnd. Haukalóð var lögð fyrir lúður, ekki síst á Breiðafirðinum. Talið er að ekki hafi verið farið að nota haukalóð til lúðuveiða fyrr en seint á 18. öld. Flyðruönglar voru kallaðir haukar eða hneifar. Algengasta heiti flyðrulóðar var haukalóð, en hún var einnig kölluð haukalína, snæri, sprökusnæri, hneifasnæri, sprökulóð, hneifalóð, dráttarlóð, lúðulóð og jafnvel lúðulóð, því á hana veiddist oft engu síður skata en flyðra. (Lúðvík Kristjánsson. Íslenzkir sjávarhættir, III. Reykjavík 1983, bls. 257. Nánari upplýsingar um haukalóð er að finna í sama riti bls. 258, 263-264 og víðar). Efst á lóðinni er tréspýta eða hald og á henni eins konar hanki. Snærið er svo vafið í hönk og hengt á haldið (lengd uppvafin er um 110 cm). Á endum snærisins er fjöldi öngla. Þeir eru orðnir nokkuð ryðgaðir en að öðru leyti er lóðin í góðu ástandi. Gefandi er Bjarni Hákonarson, bóndi í Haga á Barðaströnd, en eigandi og notandi lóðarinnar var faðir Bjarna, Hákon Kristófersson, alþingismaður og bóndi í Haga. Bjarni hefur í mörg ár geymt lóðina í því skyni að koma henni í vörslu Þjóðminjasafnsins. Þór Magnússon, fyrrum þjóðminjavörður, sótti haukalóðina til Bjarna og afhenti safninu fyrir hans hönd.

Aðrar upplýsingar

Gefandi: Bjarni Símonarson Hákonarson
Hákon Jóhannes Kristófersson, Notandi

Ártal

1900 - 1950

Safnnúmer

Safnnúmer B: 2011-74

Stærð

110 x 0 cm Lengd: 110 cm

Staður

Staður: Hagi, 451-Patreksfirði, Vesturbyggð

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Haukalóð, lúðulóð

Upprunastaður

65°30'1.1"N 23°27'33.3"W