Þelband

1920 - 1940

Varðveitt hjá

Sýnishorn af handspunnu, þrinnuðu þelbandi í nokkrum litabrigðum, vafin á tvö pappaspjöld (merkt a og b. Sbr. hyrna nr. Þjms. 2011-14-2). Helga Hannesdóttir á Skáney í Reykholtsdal (f. 1878, d. 1948) spann þelbandið. Gefandi er Vigdís Pálsdóttir (f. 1924), systurdóttir Helgu. Í bréfi frá henni segir m.a.: „Á Skáney í Reykholtsdal bjó um langa hríð Helga Hannesdóttir, ættuð frá Deildartungu. Hún var afbragðs tóvinnukona, vandlát og velvirk en auk þess afkastamikil. [...] Hér er hyrnan úr þessum samkembdu mórauðu litum [Þjms. 2011-14-2] ásamt sýnishorni af bandi.“ Inga Lára Baldvinsdóttir, fagstjóri Ljósmyndasafns Íslands í Þjóðminjasafni, afhenti gripi nr. Þjms. 2011-14 fyrir hönd Vigdísar móður sinnar.