Skógarhlíð
1800
Varðveitt hjá
Borgarsögusafn Reykjavíkur
Hlíðin er kjarri vaxin og grenitrjám verið plantað í hluta hennar.
Skógarhlíð er efsti partur Elliðavatnsheiðar, suður og upp af Efri – Skyggni og suðaustur af Helluhólum. Suðaustan við Strípsveg. Í örnefnaskrá fyrir Elliðavatn segir: „Hrís var höggvið uppi í Elliðavatnsheiðinni, uppi í Skógarhlíðinni. Þar var skógurinn mikið til búinn. C.Z. [Christian Zimsen] man eftir hrísrifi þar og í Skógarhlíðarkrika; þar er ekki hraun undir. Með hrísinu var taði brennt. Hrís mun hafa verið sótt síðast árið 1927, nokkrir hestar.“ „Þangað var sóttur eldiviður, sem fyrr segir, og einnig, áður, frá Hólmi og Reynisvatni.“[1] Hnit var sett í Skógarhlíðarkrika. Hrístekjan er líka skráð undir Elliðavatn (214-33).
[1] Stofnun Árna Magnússonar. Örnefnastofnun. Örnefnaskrá fyrir Elliðavatn. Heimildarmaður Christian Zimsen. Guðrún Þóra Guðmannsdóttir hreinritaði, bls. 13, 15–16.
Aðrar upplýsingar
Titill
Sérheiti: Skógarhlíð
Ártal
Aldur: 1800
Safnnúmer
Johnsen nr.: 213-20
Safnnúmer B: 181149-20
Verkefnanúmer: 3456
Staður
Fornleifaskráning: Staður: Hólmur, 110-Reykjavík, Reykjavíkurborg
Aðfangategund
Heimildir
Athugasemdir og viðbætur Christians Zimsen við örnefnaskrá Elliðavatns. (Ö.Ell.2).