Til baka í leit
Veistu meira?

Bylgjujárn, skráð e. hlutv.

1910 - 1940
Varðveitt hjá
Þjóðminjasafn Íslands
 Bylgjujárn fyrir hár, einnig kallað skrýfingarjárn. Að nokkru eins og tvöfalt krullujárn. Það er smíðað úr stálblöndu. Samsett úr tveimur álmum sem snúast um lið fyrir miðju. Önnur álman gengur í tvo tanga að framan, eins og gaffall, en á hina er fest plata með tveimur sveigjum á eða hlykkjum. Þegar bylgja átti hárið var járnið hitað í eldi, álmunum haldið sundur, hárið lagt á milli og járninu svo lokað. Þá gengu tangarnir tveir ofan í raufarnar eða sveigjurnar á hinni álmunni með hárið á milli og við það komu bylgjur í hárið. Á hinum enda álmanna eru viðarhöldur. Þær hafa verið svartmálaðar en nú hefur málningin máðst. Önnur haldan hefur skaddast, hefur verið viðgerð og við það styst lítillega. Slík járn voru nokkuð algeng.  Gripirnir nr. Þjms. 2012-63 eru úr eigu móður gefenda, Margrétar Lilju Árnadóttur (sbr. Þjms. 2011-95). Flestir eru þeir frá móður hennar, Katrínu Láru Stefánsdóttur og eru unnir af henni eða föður hennar Stefáni Jónssyni.

Aðrar upplýsingar

Ártal
1910 - 1940
Efni
Safnnúmer
Safnnúmer B: 2012-63-15
Stærð
28.5 x 0 cm Lengd: 28.5 cm
Aðfangategund
Undirskrár
Undirskrá: Munasafn
Efnisorð / Heiti