Værðarvoð
1940 - 1944
Varðveitt hjá
Þjóðminjasafn Íslands
Ullarteppi / værðarvoð / rúmteppi, líklega frá Álafossi (en gæti líka verið frá Gefjun á Akureyri). Teppið er í tveimur brúnum litum, ljósum og dekkri, og mynstrið er blóm (sóleyjar?), íslenska skjaldarmerkið og grískir bekkir. Teppið er að öllum líkindum frá því fyrir 1944 því kóróna er yfir skjaldarmerkinu á teppinu.* Grísku bekkirnir eru áþekkir uppdrætti nr. XVIII - 24 í uppdráttum Sigurðar Guðmundssonar ("Um íslenskan faldbúning"). Það mynstur var ætlað á möttla. Mynstrið er beggja vegna á teppinu en litirnir víxlast, þ. e. það sem er ljósbrúnt öðrum megin er dekkra á hinni hliðinni o. s. frv. Í teppinu eru örlítil slit og smá göt en annars er það í mjög góðu ástandi.
*Í Þjóðminjasafninu er varðveitt önnur samskonar værðarvoð (Þjms. 1997-132) en í öðrum lit. Gefandi hennar segir hana vera frá árinu 1944, að slík teppi hafi verið framleidd fyrir og í tengslum við lýðveldisstofnunina og margir hafi fengið þau að gjöf.
Aðrar upplýsingar
Ártal
1940 - 1944
Safnnúmer
Safnnúmer B: 2012-4-2
Stærð
200 x 135 cm
Lengd: 200 Breidd: 135 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Værðarvoð