Dagblað

01.01.1952 - 01.01.1953

Varðveitt hjá

Tvær gamlar konur sitja upp við steinvegg í kjallara undir glugga. Önnur les í dagblaðinu Tímanum en hin er að prjóna sokk. Húsið er gamli bærinn á Húsafelli í Borgarfirði. "Guðrún f. 1861, d. 1957, Jónsdóttir kölluð Gunna, vinnukona til vinstri, Ástríður f. 1877, d. 1961 Þorsteinsdóttir systir Þorsteins bónda til hægri, húsfreyja á Signýjarstöðum frá 1901 - 1946. Hún var óskólagengin en skáldmælt. Eftir hana liggja merkileg bréf og ljóð. Myndin er tekin 1952 eða 1953. Á vinstri hönd Ástríðar sést í skápinn sem var sagður vera altarið úr Húsafellskirkju, rifin árið 1812. Guðrún var vinnukona á Húsafelli í nálægt 70 ár. Hún er því á tíræðis aldri á myndinni. Hún annaðist eldamennsku og kaffigerð, hún prjónaði sokka og vettlinga á fólkið á bænum og þvoði plöggin. Hún saumaði skóna meðan íslenskir leðurskór voru notaðir. Við handavinnuna sat hún á kassa undir eldhúsglugganum. Hún átti sér rúm í baðstofuherberginu uppi á lofti og hengdi myndir af Schiller og Byroni yfir rúmið hjá sér af því að hún dáðist að skáldskap þeirra. Hún var vinmörg, enda skemmtileg í samræðum og hlýleg í framkomu. Hún var mikil kaffimanneskja og bjó til sérstaklega gott kaffi. Hún hafði misst allar tennur fyrir löngu þegar ég man fyrst eftir um 1930. " (Heimild: ÞÞ 2012-3-72)