Kistill, + hlutv.

1934

Varðveitt hjá

Kistill af einfaldri gerð. Lykill týndur. Smíðaður af ónafngreindum sjúklingi á Laugarnesspítala árið 1934.Eftirfarandi frásögn gefandans fylgir kistlinum: Kistill gerður af holdsveikum sjúklingi á Laugarnesspítala 1934Herdís Jónasdóttir, f. 27. 7. 1891 var vökukona á Laugarnesspítala, líklega 1929-1930. eftir það gerist hún ráðskona á Húsafelli [í Reykholtsdal, æskuheimili gefandans] og var þar nær samfellt í 25 ár. þegar hún vann á spítalanum kynntist hún sjúklingi sem stytti sér stundir við smíðar. Hún pantaði hjá honum tvo kistla 1934 og gaf annan Ástríði Þorsteinsdóttur, þá sjö ára, og hinn mér, Þorsteini Þorsteinssyni, þá níu ára. Síðar fékk Ástríður kommóðu hjá sama sjúklingi og á hún þessa gripi báða enn og mun ekki láta þá af hendi. Ég hef síðan átt minn kistil en varðveitt hann misvel svo að allmikið sér á honum. Fyrstu árin var hann gullakistill en síðustu myndageymsla. Lykill er týndur. Ég veit ekki nafn sjúklingsins sem smíðaði hann.