Kjarval og ég
= 2008, Stefán Jónsson
Varðveitt hjá
Hafnarborg
Kjarvalar
Stefán Jónsson
Kjarvalar Stefáns Jónssonar (f. 1964) eru þrívíðar endurgerðir málverka Jóhannesar Sveinssonar Kjarvals (1885-1972). Stefán sækir hér í smiðju þess listamanns sem lengi hefur verið tákngerfingur menningararfs þjóðarinnar á sviði myndlistar og horfist þannig í augu við arfleið sögunnar á glettinn hátt. Á sýningunni eru einnig prentverk þar sem nálægð Kjarvals, verka hans og persónu, er undirstrikuð. Stefán hefur áður horfst í augu við byrðar listasögunnar með því að færa sögufræg málverk meistara eins og Giotto og Goya í þrívið form og notað til þess meðal annars Legokarla. Þar fyllir hann upp í hugmyndir manna um póstmóderníska nálgun með afbyggingu og sundurgreiningu listaverka sem menn þekkja sem hluta af menningarsögunni.
Kjarvalarnir eru endurvinnsla þekktra verka Kjarvals þar sem vitneskjan um frægð verkanna, og um leið staðanna sem þau sýna, gefa skúlptúrum Stefáns aukið gildi. Verk hans fjalla þannig fremur um samrunann við listina, söguna og menninguna fremur en samrunann við náttúruna eins og verk Kjarvals. Virðing Stefáns fyrir málverkum Kjarvals felst því fremur í því að kannast við það sem greinir verk þeirra að fremur en líkindunum sem felast í formum náttúrunnar eða húmornum sem felst í þrívíðri endurgerðinni. Heiti sýningarinnar hefur einnig sterka vísan til félagslegrar stöðu málverka Kjarvals sem öðlast hafa þann sess að vera mælikvarði á stöðu þeirra sem eiga þau.
Efniviður Stefáns er margbreytilegur allt frá steinsteypu og mósaíkflísum til prjónagarns. Kjarvalarnir eru steyptir, sagaðir, prjónaðir og lakkaðir en eiga það allir sameiginlegt að endurgera náttúruna í olíumálverkum Kjarvals. Þeir eru ekki endurgerð náttúrunnar heldur endurgerð endurgerðarinnar. Prentverkin eru síðan enn eitt lagið í samtali Stefáns við arfleiðina þar sem hans eigin þrívíðu verk eru orðin hluti af tvívíðum verkum. Þar parar hann sama myndir af Kjarvölum eftir Stefán Jónsson og ljósmyndir af meistara Kjarval og síðan myndir af hinum eiginlegu Kjarvölum eftir Jóhannes Sveinsson Kjarval og ljósmyndir af listamanninum Stefáni Jónssyni.
Listferill Stefáns Jónssonar hefur að mörgu leyti verið sérstakur. Á tæplega tuttugu ára ferli hefur hann unnið jafnt og þétt að list sinni. Hann hefur haldið nokkrar sýningar á völdum sýningarstöðum og hafa efnistök hans og viðfangsefnið þá ætíð vakið verðskuldaða athygli. Stefán útskrifaðist frá Myndlista- og handíðaskóla Íslands árið 1992 en stundaði einnig myndlistarnám við School of Visual Arts í New York þar sem hann lauk MFA gráðu árið 1994. Stefán hélt sínar fyrstu sýningar snemma á níuna áratugnum og vakti þá strax athygli meðal annars fyrir nýstárleg verk sem hann átti á sýningunni Skúlptúr/skúlptúr/skúlptúr á Kjarvalsstöðum 1994. Hann hefur síðan haldið sýningar með jöfnu millibili meðal annars í Safni, Listasafninu á Akureyri, Listasafni ASÍ og í sýningarsölum í New York og Singapore þar sem hann bjó um tíma. Flest helstu söfn landsins eiga verk eftir Stefán auk Singapore Art Museum. Stefán býr og starfar í Hafnarfirði.
(Ólöf K. Sigurðardóttir, Kjarvalar, Hafnarborg, Sýningarskrá)
Aðrar upplýsingar
Titill
Verkheiti: Kjarval og ég
Annað verkheiti: Kjarval and I
Ártal
= 2008
Efni
Tækni
Safnnúmer
Safnnúmer A: Hb-1430
Stærð
45 x 29.5 x 0 cm
Stærð með ramma: 54,5 x 39 x 3,5 cm
45 x 29,5 hvor mynd, þær eru tvær.
Aðfangategund
Undirskrár
Undirskrá: Heildarsafn
Áletrun / Áritun
Áritun: 1/5, Kjarval og ég 3A, (3B) Stefán Jónsson, 2008
Flokkun
Útgáfa / Sería
1 / 5
Höfundarréttur
Höfundarréttur: Stefán Jónsson