Höfundarréttur: Pétur Thomsen

Ásfjall

= 2011, Pétur Thomsen

Varðveitt hjá

„Ljósmyndirnar í Ásfjallsmyndröðinni eru ekki aðeins táknmyndir fyrir hrunið heldur einnig fyrir þá kyrrstöðu sem varð í íslensku samfélagi. Það er líkt og umhverfið haldi niðri í sér andanum, bíði eftir því að verkglaðir Íslendingar mæti á svæðið með jarðýtu og steypihrærivél eða bíði þess að náttúran taki við sér með óvæntum og ófyrirséðum afleiðingum. Umhverfið bíður þess sem verða vill. [...] Litirnir og smáatriðin leika veigamikið hlutverk í ljósmyndum Péturs. [...] Ljósmyndir Péturs frá Ásfjallinu bera með sér sterk höfundareinkenni hans sem listamanns. Á myndfletinum má sjá hvernig hið formfasta tekst á við óreiðuna, hvernig hið manngerða umhverfi sem mótað hefur verið með stærðfræðilegri nákvæmni tekst á við náttúruna sem í eðli sínu er óreiðukennd. Þessi togstreita milli hins formfasta og hins óreiðukennda hefur lengi verið einkennandi fyrir verk Péturs en verður ef til vill enn meira áberandi hér en áður.“ (Sigrún Sigurðardóttir, Ásfjall, Rit Þjóðminjasasfnsins 26, (Reykjavík, Þjóðminjasafnið, 2006) s. 18)