Askja, f. skrautmuni
1904 - 1910
Varðveitt hjá
Þjóðminjasafn Íslands
Askja úr viði, ferhyrnd, klædd svörtu hrufóttu efni (sirtingi?) og fóðruð með hvítu, glansandi efni. Í þessari öskju hafa að líkindum verið geymdir einhverjir gripanna sem tilheyra skautbúningi nr. Þjms. 2012-13 (stokkabelti, spöng, blæja og / eða peysubrjóst). Öskjunni er lokað með tveimur málmspennum. Í öskjunni er lítil hespa af beinhvítu garni og við hana festur merkimiði sem á stendur: 3600/4. Denier. Ivory Crepe Twist. No. 2325. In Hank. Iver Ludd and Co. London. For Faroes.
Gripirnir nr. Þjms. 2012-13 koma frá Ragnheiði Hafstein Reynisdóttur. Þetta er skautbúningur Ragnheiðar Hafstein (Stefánsdóttur Thordersen), eiginkonu Hannesar Hafstein ráðherra:
2012-13-1 skauttreyja
2012-13-2 pils
2012-13-3 möttull
2012-13-4 faldur
2012-13-5 blæja
2012-13-6 peysubrjóst
2012-13-7 stokkabelti
2012-13-8 spöng
2012-13-9 askja
Ragnheiður Hafstein ráðherrafrú var langamma gefanda. Búningurinn hefur síðan verið í eigu Ragnheiða í þessum legg fjölskyldunnar. Ragnheiður Thorarensen (Hafstein. f. 1903) eignaðist búninginn eftir móður sína. Síðar gekk búningurinn til gefanda sem nú ákvað að afhenda hann Þjóðminjasafninu til eignar og varðveislu.
Í Ljósmyndasafni Íslands í Þjóðminjasafni eru varðveittar ljósmyndir af Ragnheiði Hafstein ráðherrafrú í búningnum, sjá t.d. ljósmyndir nr. P.Br. 25050, 25104, 25105, 25106.
Gefandi afhenti ennfremur útsaumað veggtjald sem langamma gefanda, Alma Clara Margrethe Thorarensen (fædd Schiöth), saumaði (Þjms. 2012-13-10).
Aðrar upplýsingar
Ártal
1904 - 1910
Efni
Safnnúmer
Safnnúmer B: 2012-13-9
Stærð
33.1 x 20 x 5.8 cm
Lengd: 33.1 Breidd: 20 Hæð: 5.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Askja, f. skrautmuni