Pils
1904 - 1910
Varðveitt hjá
Þjóðminjasafn Íslands
Pils, hluti af heilum skautbúningi. Pilsið er úr svörtu klæði, mjög sítt (síðara að aftan en framan, 122 cm), fellt allan hringinn við streng, en fellingar þéttari að aftan en framan. Að neðan er fremur breiður skrautbekkur, holtasóleyjamynstur, skatterað (kúnstbróderað / listsaumað) í ljósum og brúnum tónum. Pilsinu er krækt við streng á vinstri hlið með tveimur krókapörum. Hægra megin er vasi. Neðst að innanverðu er 37 cm hátt, svart skófóður. Á pilsinu eru nokkur smá göt og ein stærri rifa er vinstra megin, rétt ofan við útsaumsmunstrið.
Gripirnir nr. Þjms. 2012-13 koma frá Ragnheiði Hafstein Reynisdóttur. Þetta er skautbúningur Ragnheiðar Hafstein (Stefánsdóttur Thordersen), eiginkonu Hannesar Hafstein ráðherra:
2012-13-1 skauttreyja
2012-13-2 pils
2012-13-3 möttull
2012-13-4 faldur
2012-13-5 blæja
2012-13-6 peysubrjóst
2012-13-7 stokkabelti
2012-13-8 spöng
2012-13-9 askja
Ragnheiður Hafstein ráðherrafrú var langamma gefanda. Búningurinn hefur síðan verið í eigu Ragnheiða í þessum legg fjölskyldunnar. Ragnheiður Thorarensen (Hafstein. f. 1903) eignaðist búninginn eftir móður sína. Síðar gekk búningurinn til gefanda sem nú ákvað að afhenda hann Þjóðminjasafninu til eignar og varðveislu.
Í Ljósmyndasafni Íslands í Þjóðminjasafni eru varðveittar ljósmyndir af Ragnheiði Hafstein ráðherrafrú í búningnum, sjá t.d. ljósmyndir nr. P.Br. 25050, 25104, 25105, 25106.
Gefandi afhenti ennfremur útsaumað veggtjald sem langamma gefanda, Alma Clara Margrethe Thorarensen (fædd Schiöth), saumaði (Þjms. 2012-13-10).
Aðrar upplýsingar
Ártal
1904 - 1910
Efni
Safnnúmer
Safnnúmer B: 2012-13-2
Stærð
122 x 0 cm
Lengd: 122 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Pils