Til baka í leit
Veistu meira?

Brennivínsflaska

1932 - 1960
Varðveitt hjá
Þjóðminjasafn Íslands
 Sódavatnsflaska úr glæru gleri með hvítum miða með rauðri og blárri áletrun: Sódavatn H.F. ÖLGERÐIN EGILL SKALLAGRÍMSSON REYKJAVÍK SÍRÍUS Flaskan sjálf (þ.e. glerið) er með upphleyptri áletrun: Sanitas. Óljóst er hvers vegna flaskan er frá Sanitas en miðinn frá Ölgerðinni. Framleiðsla gosdrykkja hjá Ölgerð Egils Skallagrímssonar hófst árið 1930 þegar Ölgerðin keypti gosdrykkjaverksmiðjurnar Síríus og Kaldá. Þar er komin skýringin á merkingunni SÍRÍUS á miðanum. Ekki er vitað frá hvaða tíma flaskan er en þó er ljóst að hún er ekki eldri en frá 1932 en gæti verið frá allt að um 1960 (á botni flöskunnar er upphleypt áletrun: R. U. 59 sem gæti vísað til framleiðsluárs flöskunnar). Á flöskunni er fjölnota tappi úr hvítu plasti með áletrun: SANITAN. Einhvern tíma hefur þvottaefni verið geymt í flöskunni því á miðann hefur verið skrifað með bláum penna: Þvol. Flaskan er nú tóm. Flöskurnar nr. Þjms. 2012-38 lágu lengi í kassa, án nokkurrar merkingar eða dagsetningar, hjá öðrum óskráðum munum safnsins. Með flöskunum í kassanum var blikkdós, ópnuð, með Baulu-mjólk í. Innihald hennar hafði úldnað og gerjast, dósin blásið út og að lokum sprungið. Henni var því fargað. Eitthvað af innihaldi dósarinnar hafði farið á merkimiða flasknanna. Reynt var að þrífa það af fyrir skráningu en þó náði það að skemma svolítið út frá sér.

Aðrar upplýsingar

Ártal
1932 - 1960
Efni
Safnnúmer
Safnnúmer B: 2012-38-5
Stærð
20.1 x 5.9 cm Lengd: 20.1 Breidd: 5.9 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Brennivínsflaska
Efnisorð: Vínflaska