Jakki
Varðveitt hjá
Þjóðminjasafn Íslands
Karlmannsjakki af gerðinni Adamson - frá Kóróna. Hann er í fullorðinsstærð. Jakkinn er framleiddur af fyrirtækinu Sportveri sem var afkastamikið á 7. og 8. áratug 20. aldar hér á landi. Fyrirtækið rak m.a. tvær saumastofur (saumaverksmiðjur) og þrjár herrafataverslanir í Reykjavík. Jakkinn er væntanlega frá 8. áratugnum. Hann er stakur og hefur að líkindum verið það frá upphafi. Eigandi og notandi jakkans, Gísli Eiríksson, er eiginmaður gefanda. Hann notaði jakkann mikið um tíma og sést það m.a. á því að efnið er lítillega farið að slitna. Jakkinn lítur annars vel út og er í góðu ástandi. Efnið er úr erlendri ull eða ullarblöndu. Þræðirnir eru gráir, brúnir og grænir. Fóðrið er dökkbrúnt. Jakkinn er hnepptur með tveimur tölum. Fremst á hvorri ermi eru fjórar tölur, smærri. Það er ekki klauf á jakkanum aftanverðum. Á jakkanum eru tveir hliðarvasar að framan og einn brjóstvasi. Að innanverðu eru þrír vasar.
Aðrar upplýsingar
Safnnúmer
Safnnúmer B: 2012-35
Aðfangategund
Undirskrár
Undirskrá: Munasafn
Efnisorð / Heiti
Efnisorð: Jakki