Undirlíf, innra lífstykki

1900 - 1920

Varðveitt hjá

Undirlíf úr hvítu lérefti. Hneppt að framan með fimm hvítum tölum. Meðfram boðungi og hálsmáli er hekluð blúnda. Lífið er um 35-37 cm sítt, mælt frá öxl. Undirlíf er efri hluti undirfatnaðar kvenna sem þær báru næst sér eða yfir nærskyrtu. Smám lagðist af að nota undirlíf þegar brjóstahöld tóku við. Undirlífið er að líkindum úr eigu Guðríðar Þórarinsdóttur, húsfreyju á Blómsturvöllum í Fljótshverfi á árunum 1903-1947. Ætla má að það sé frá fyrstu árum 20. aldar. Gripirnir nr. Þjms. 2012-3 komu allir frá Þórdísi Ólafsdóttur (Dísu), Núpum í Fljótshverfi (f. 1913, d. 2003). Hún var dóttir Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.