Svunta

1900 - 1930

Varðveitt hjá

Peysufata- eða upphlutssvunta úr köflóttu tafti, grænu, bláu, brúnu og appelsínugulu, 72 cm síð og um 111 cm breið að neðanverðu. Hneppt vinstra megin að aftan með gylltum hnappi. Á svuntunni eru nokkur smá göt. Svuntan er úr eigu Guðríðar Þórarinsdóttur, húsfreyju á Blómsturvöllum í Fljótshverfi á árunum 1903-1947. Gripirnir nr. Þjms. 2012-3 komu allir frá Þórdísi Ólafsdóttur (Dísu), Núpum í Fljótshverfi (f. 1913, d. 2003). Hún var dóttir Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.