Panta mynd Notkunarskilmálar

Skotthúfa

1910 - 1920

Varðveitt hjá

Þjóðminjasafn Íslands

Grunn skotthúfa, kollhúfa, prjónuð úr svörtu ullarbandi. Húfan er um 16,5 cm í þvermál, mjög grunn, og skottið er um 11,5 cm langt. Skúfhólk og skúf vantar. Húfan er úr eigu Guðríðar Þórarinsdóttur, húsfreyju á Blómsturvöllum í Fljótshverfi á árunum 1903-1947. Guðríður hefur væntanlega prjónað húfuna en bandið í hana spann dóttir hennar, Elín Ólöf Ólafsdóttir (f. 1901, d. 1954) sem alla tíð bjó á Blómsturvöllum. Ætla má að húfan sé frá því um 1910-1920. Grunnar prjónaðar kollhúfur sem þessar tíðkuðust annars helst á síðustu tveimur áratugum nítjándu aldar. Gripirnir nr. Þjms. 2012-3 komu allir frá Þórdísi Ólafsdóttur (Dísu), Núpum í Fljótshverfi (f. 1913, d. 2003). Hún var dóttir Guðríðar Þórarinsdóttur (f. 1879, d. 1962) og Ólafs Filippussonar (f. 1868, d. 1921) á Blómsturvöllum. Maki Þórdísar var Sigmundur Þorsteinn Helgason frá Núpum. Þau Þórdís voru barnlaus en hjá þeim voru oft börn í sumardvöl. Eitt þeirra barna var Sverrir Þórólfsson flugstjóri sem leit á heimili þeirra Þórdísar og Sigmundar sem sitt annað heimili. Gefandi gripanna er eiginkona Sverris.