Peysuhnappur
1900 - 1930
Varðveitt hjá
Þjóðminjasafn Íslands
Sex litlir silfurhnappar af karlmannstreyju eða karlmannspeysu. Slíkir hnappar voru algengir á treyjum eða peysum karlmanna á fyrri tíð. Hnapparnir eru hálfkúlulaga, með grafinni rós á. Í miðju rósarinnar er lítil bóla eða varta. Hnapparnir eru allir stimplaðir tveimur smiðsstimplum að aftanverðu: EM og ME, sem eru stimplar feðganna Erlendar Magnússonar gullsmiðs (f. 1849, d. 1909) og Magnúsar sonar hans (f. 1885, d. 1932). Þeir smíðuðu mikið saman og merktu gripina með stimplum beggja. Fremur fágætt er að hnappar og aðrir smáir gripir séu merktir smiðsstimplum. Hnapparnir eru 1,4 cm í þvermál og þykkt hnappanna er 0,8 cm. Að aftanverðu er lykkja til að festa hnappinn á fötin, 0,6 cm löng. Heildarlengd (eða dýpt) hnappanna er því 1,4 cm. Móðir gefanda taldi að hnapparnir hefðu tilheyrt Ragnheiði Hannesdóttur (Finnssonar biskups í Skálholti), sem stenst þó ekki, sbr. smiðsstimplana. Hnapparnir gætu hafa tilheyrt afa gefenda, Gísla Ísleifssyni, sýslumanni og síðar ráðuneytisstjóra (f. 1868, d. 1932). Hnöppunum fylgir gjafabréf frá gefendum.
Aðrar upplýsingar
Magnús Erlendsson, Hlutinn gerði
Erlendur Magnússon, Hlutinn gerði
Gefandi: Lucinda Grímsdóttir
Gefandi: Almar Grímsson
Erlendur Magnússon, Hlutinn gerði
Gefandi: Lucinda Grímsdóttir
Gefandi: Almar Grímsson
Ártal
1900 - 1930
Efni
Safnnúmer
Safnnúmer B: 2012-11
Stærð
1.4 x 1.4 cm
Lengd: 1.4 Breidd: 1.4 cm
Aðfangategund
Undirskrár
Undirskrá: Munasafn
Efnisorð / Heiti