Kvenklæðnaður
Varðveitt hjá
Þjóðminjasafn Íslands
Rannveig Líndal, Kennslukona á Blönduósi.
Kvenbúningur, grænlenskur, stakkur (timiak), buxur, og háskór (kamika) með venjulegri gerð, sem nú tíðkast.
a) Stakkurinn, ysta borðið er úr blá og grænköflóttu lérefti. („tvisttaui“) með 13,5 cm. breiðu ljósbláu og rósofnu belti neðst. Innanundir er grátt léreft („shirting“) undir beltinu, og sömuleiðis er grátt léreft í yfirborði á einskonar undirstakki eða fóðri, og innst er blátt rauðdropótt léreft („sirs“), en milli laga mun vera æðarskinn með dún á. Kraginn um hálsinn er 7 cm. hár og klæddur dökkbrúnu nautsskinni, órökuðu, neðst, á honum er 2.cm. breiður perlukragi, og niður frá honum, yfir herðar, brjóst og bak, fellur 19 cm.breiður skrautkragi, einnig úr margvíslega litum glerperlum. Þessir skrautkragar kvað ætíð vera hver með sinni gerð, lýsa smekkvísi og hagleik þeirra, sem gera þá. Fremst á ermum er samskonar skinn og í hálskraganum, 9 cm. breitt, og uppfrá því eru 5,5 cm. breiðir borðar úr perlum um ermina. Stakkurinn er allur jafnvíður, 46 cm. að breidd samanlagður, um herðar litlu meiri, 50 cm.að lengd, 5 cm. að meðtöldu bláa beltinu. Kraginn er 57 cm. að innanmáli. Ermar eru 39 cm. að lengd, 12 cm. fremst 18 efst, lagðar saman.
b) Buxurnar eru úr gráu, órökuðu selskinni, ófóðraðar. Strengurinn er tvöfaldur, rakaður, um 5 cm. breiður., innanmál 83 cm. Skálmarnar eru 28,5 cm. að lengd að framan, og rautt , rakað selskinn neðst. 3,5 cm. breitt. Framan á skálmunum er 22. cm. langt og 11 cm. breitt skrautstykki úr rauðu skinni, neðst og yst beggja vegna, í miðju, langsum, er 2,7 cm. breiður skrautbekkur með margvíslega litum röndum, skinnræmum sem mynda fagran uppdrátt, en beggja vegna við eru hvítir skinnborðar, um 2 cm. að breidd, hærðir. Innanmál skálmanna neðst er 41,5 cm. Að aftan eru buxurnar 39 cm. niður frá streng. Engin klauf er á stakk né buxum.
c) Háskórnir eru tvöfaldir, ytra borðið úr rauðu rökuðu selskinni, en hið innra úr órökuðu gráu, og snúa hárinn inn. Brúnt (sel?) skinn er nær efst, breidd 8,2-9,5 cm. og þar fyrir neðan er 6 cm. breiður hvítur borði, rakaður, skreyttur neðst, að framan gengur sem skeifa niður á hnéð og síðan beinn borði allt fram á tá, og eru bæði með skrautlegur verki. 13 að aftan 60 cm. innanmál efst 49 cm. Skólengd að neðan 24,5. Búningurinn er nýr og ónotaður. (M.Þ.)
Aðrar upplýsingar
Gefandi: Rannveig Hansdóttir Líndal
Efni
Safnnúmer
Safnnúmer A: Þjfr-45
Aðfangategund
Undirskrár
Undirskrá: Þjóðfræðasafn (Þjfr)
Efnisorð / Heiti
Efnisorð: Kvenklæðnaður