Skorða, t. að styðja við báta/skip

1935 - 1986

Varðveitt hjá

Skorða úr járni og tré fyrir opinn bát. Að neðan er tréhnallur með járnrönd efst, upp af honum járnstöng sem endar í krók, en honum er krækt í þar til gerða lykkju á hlið bátsins. Þetta er önnur af tveimur skorðum sem fylgja Hallsteinsnesbáti (Sms. 1986 -1). Með því að krækja skorðunum á bátinn gat hann fjarað uppi án þess að leggjast á hliðina og þurfti því ekki að huga að honum sérstaklega. Farið var að nota járnskorður við Breiðafjörð upp úr 1920. Rögnvaldur Láruson skipasmiður í Stykkishólmi mun hafa fundið þær upp. Mjög mikill munur er á flóði og fjöru við Breiðafjörð og því koma skorður sem þessar sér afar vel. Öll skorðan er 68 cm löng. Tréhnallurinn neðst á henni er 13 x 8.5 cm.