Klyfsöðull
1875
Varðveitt hjá
Þjóðminjasafn Íslands
Klyfsöðull sem Rolf Arpi (f. 1853,
d. 1900) notaði á ferðum sínum um Ísland. Hann var sænskur málfræðingur
sem safnaði hér á þriðja hundrað gripa og seldi til Nordiska Museet í Stokkhólmi.
Hann kom fyrst til Íslands í aðdraganda þjóðhátíðarinnar 1874 og nokkrum
sinnum síðar, ferðaðist vítt um landið og gripirnir sem hann safnaði voru
skráðir í Nordiska Museet á árunum frá 1875 til 1893.
Matthías Þórðarson, 1922:
Dýnurnar eru ferhyrndar, með bogadregnum
hornum; L. 50, br. 45 cm., þykkar; klæddar skinni ofan og striga neðan.
Klyfsöðullinn með járnbogum og trjefjölum undir, máluðum dökkum,
og eru móttökin negld á þær, en þær eru bundnar við dýnurnar með leðurþvengjum,
sem ganga í gegnum hvorar tveggja. Járnkrókar leika á nöglum, en
lausakrókar hafa ekki verið hafðir. Eins konar fleygur er festur
á bogana neðst, til þess að gera koffortin stöðugri á. Sennilega
frá 1875, hjer um bil; mun hafa verið notaður af R. A. á ferðum hans á
Íslandi. Hjer með fylgja koffortin nr 35176.
Freyja Hlíðkvist Ómarsdóttir,
okt. 2009:
Klyfsöðullinn og dýnurnar virðast
vera í nokkurn veginn sama ástandi og þegar Matthías Þórðarson gerði skrá
sína árið 1922. Lýsing hans á því enn vel við. Einhverjir leðurþvengjanna
hafa losnað frá dýnunum og eru fastir í götunum á tréfjölunum á klyfsöðlinum.
Striginn á neðra byrði dýnanna hefur verið viðgerður með bótum á nokkrum
stöðum. Þó eru nokkur göt og sést þá í hálminn sem dýnurnar eru fylltar
með. Það eru einnig göt á efra byrðinu, þ.e. leðrinu sem saumað er yfir
strigann. Þrátt fyrir þessar skemmdir er þetta mjög skemmtilegur og góður
gripur, ekki síst þar sem koffortin númer 2008-5-117 (a+b) fylgja með.
Aðrar upplýsingar
Rolf Mahmud Arpi, Notandi
Ártal
1875
Efni
Safnnúmer
Safnnúmer A: NMs-35175
Safnnúmer B: 2008-5-116
Stærð
50 x 45 x 0 cm
Lengd: 50 Breidd: 45 Hæð: 0 cm
Aðfangategund
Undirskrár
Undirskrá: Nordiska Museet (NMs)
Undirskrá: Nordiska Reykjavík (NMs)
Undirskrá: Munasafn
Efnisorð / Heiti
Efnisorð: Klyfsöðull