Minnispeningur, + tilefni
1930
Varðveitt hjá
Þjóðminjasafn Íslands
Minnispeningur eða skjöldur úr bronsi, gerður eftir teikningu Tryggva Magnússonar listmálara; 3,5 cm að þvermáli. Á annarri hliðinni er upphleypt mynd Fjallkonunnar, með blys í hendi, en bók í hinni. Situr hún í hásæti, og er hamar Þórs merktur á aðra stólbrúnina, en kross á hina. Sitt hvoru megin eru ártölin 930, 1930, neðst sést merki smiðsins, BB. Hin hliðin er gerð sem skjöldur; yst er hringur eða gjörð eins og negld á. Innan í gjörðinni er honum skipt í fjóra reiti, með skjaldarbólu, sem er eins og negld á í miðju, og jafnarma krossi, sem gengur út frá henni, og einnig er eins og negldur á. Landvættirnir fjórir eru sinn í hverjum reit. Á gjörðina í kring er letrað með rúnum; "alþingi stofnað níu hundruþ og þrjátíu - nítján hundruð og þrjátíu". Neðst í neðri reitnum til hægri sjást stafirnir TM. Minnispeningar þessir eru geymdir í bláu pappahylki með lás og hjörum, 15,6 x 6,7 x 2,1 cm að stærð, er það fóðrað með hvítu silki og er alþingishátíðarmerkið í bláum lit innan á lokinu. Peningarnir liggja á dökkbláum flauelspúða.
Aðrar upplýsingar
Ártal
1930
Efni
Safnnúmer
Safnnúmer A: Alþ-52-c
Stærð
3.5 x 0 x 0 cm
Lengd: 3.5 Breidd: 0 Hæð: 0 cm
Aðfangategund
Undirskrár
Undirskrá: Alþingishátíðarsafn (Alþ)
Efnisorð / Heiti
Efnisorð: Minnispeningur, + tilefni