Skipslíkan
1950 - 1980
Varðveitt hjá
Þjóðminjasafn Íslands
Líkan af varðskipinu Þór
í kassa úr gleri og viði. Smíðað af Sigurði Jónssyni.
Þór var 205 rúmlesta stálskip með
325 hestafla gufuvél og ganghraði var 9 sjómílur á klukkustund. Á skipinu
var 47 mm fallbyssa. Eigandi Ríkissjóður. Þór var fyrsta íslenska varðskipið,
smíðað sem togari í N. Shields á Englandi árið 1899. Skipið hét áður Thor
og var fyrst gerður út frá Geirseyri við Patreksfjörð. Árið 1901 keypti
danska ríkið skipið til hafrannsókna og notaði síðar sem varðskip við Danmörku
í fyrra stríði. Árið 1919 keypti Björgunarfélag Vestmannaeyja skipið og
notaði við björgunar- og gæslustörf. Árið 1924 var sett í 47 mm fallbyssa,
sú fyrsta sem sett var í íslenskt skip. 1. júlí 1926 keypti íslenska
ríkið skipið og hóf þar með reglulegan rekstur Landhelgisgæslunnar. Þór
strandaði í stórviðri á Húnaflóa 21. desember 1929 og eyðilagðist en mannbjörg
varð.
Aðrar upplýsingar
Ártal
1950 - 1980
Efni
Safnnúmer
Safnnúmer A: Sms
Safnnúmer B: 1986-5
Stærð
100 x 28 x 55.5 cm
Lengd: 100 Breidd: 28 Hæð: 55.5 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Sjóminjasafn (SMS)
Undirskrá: Skilaskrá
Efnisorð / Heiti
Efnisorð: Skipslíkan