Mappa, + hlutv.

1937

Varðveitt hjá

Skrautmappa, bundin í dökkbrúnt skýjað skinn, með miklu áþrykktu skrauti. Allt í kring á framhliðinni er bekkur með blómskrauti, gylltu, bláu, grænu og rauðu, við hvert horn markar hann eins og sérstakan, breiðari reit með tveimur bogalínum inn eftir. Á miðju er tígulmyndaður reitur, er neðst á honum blómakrukka gyllt og út frá henni kvíslast blöð og blóm, en tveir syngjandi fuglar með hálflyftum vængjum sinn hvoru megin. Að utan eru randirnar bryddar með þunnri skinnræmu, sem þrædd er gegnum göt innan við röndina. Neðst á framhlið, rétt ofan við rósabekkinn er letrað með latínuletri, gylltu: "Sjera Magnús Helgason / 1857 - 12. nóvember - 1937." Mappan er 40 x 30,3 cm að stærð, breidd rósabekksins 2,7, og reitanna í hornunum 9 cm. Miðreiturinn er 12 x 12 cm að stærð. Bakhliðin er skreytt með tilsvarandi rósabekk, en hann er ólitaður. Að innanverðu gengur skinnið 12 cm inn yfir spjöldin og myndar vasa, einnig þeir eru skreyttir rósaverki. Spjöldin og innri kápa eru fóðruð með brúnu silki, skýjuðu. Innan í er afmæliskveðja til séra Magnúsar undirrituð af fjölda samstarfsmanna, nemenda og annarra vina víðsvegar á landinu.

Aðrar upplýsingar

Gefandi: Magnús Helgason

Ártal

1937

Efni

Lífræn efni, Dýraríki, Skinn

Safnnúmer

Safnnúmer A: L-61-C

Stærð

40 x 30.3 cm Lengd: 40 Breidd: 30.3 cm

Aðfangategund

Munir

Undirskrár

Undirskrá: Listiðnaðarsafn (L)

Efnisorð / Heiti

Efnisorð: Mappa, + hlutv.