Helgimynd
Varðveitt hjá
Þjóðminjasafn Íslands
Viðbætur Þóru Kristjánsdóttur 2008: Útskornu myndirnar af Kristi og postulunum, samtals þrettán líkneski, prýddu stóru timburkirkjuna sem Lauritz Gottrup lét smíða á Þingeyrum rétt fyrir aldamótin 1700. Skjalfest er að líkneskin voru komin í kirkjuna þá um aldamótin, þeirra er getið í úttekt á kirkjunni frá 1704. Hörður Ágústsson leiðir getum að því að Guðmundur Guðmundsson frá Bjarnastaðahlið, mesti útskurðameistari á landinu á þeim tíma, hafi komið að smíði timburkirkjunnar. Því er ekki úr vegi að álykta sem svo að Guðmundur snikkari hafi einnig skorið út þessi líkneski. (Sjá ÞK Mynd á þili bls. 60-63). Postula-mynd, skorin úr tré, birki, 45,6 að hæð með fótstalli, 16,5 að breidd yfir axlir og 11,3 að þykkt. Hann er skegglaus, með meinlætasvip á andlitinu, sköllóttur framan á höfðinu, en stutt, þykkt hár á hnakkanum, hægri hendi heldur hann fyrir framan sig og er krossmark í þeirri hendi, sem þó fráleitt er upprunalegt, slær út frá sér með vinstri hendi, eins og hann sé að flytja ræðu, berfættur og setur hægra fót nokkuð fram. Á fótstallinum stendur S. B a r t h o l o m e u s, en eins og bent er á við nr. 144 hér að framan getur þessi mynd varla átt við hann. Sbr. nr. 140-148 að öðru leyti. Kirkjur Íslands, 8.bindi, bls. 304-306: Útskornar myndir af Kristi og postulunum (Þjms. Víd. 140-151). Myndirnar eru tólf talsins, allar mjög sviplíkar, 43-46 cm að hæð, skornar í birki, allar brúnbæsaðar nú og lakkaðar en voru marglitar fyrrum. Jón konsúll Vídalín fékk myndirnar frá kirkjunni og síðan hefur verið þveginn af þeim allur litur og þær bæsaðar. Hefur liturinn sennilegast þá verið fallinn af að hluta og myndirnar því þótt lítt hæfar til stofuskrauts þannig, en Jón hafði þær á bókaskap sínum. Myndirnar stóðu á kórbita í kirkju Lauritz Gottrups svo sem séra Ólafur Gíslason lýsir: „Á bitanum milli kórs og kirkju stóðu allir postularnir með píslarvottamerkjum sínum, og í miðju þeirra Frelsarinn, þau líkneski voru einnig skrýdd ýmsum litum, og mátti draga þau upp, eins og líkneskin á prédikunarstólnum.“ Hið sama segir í vísitasíu 1783: „Effigies salvatoris og apostolorum farfaðar, af bíldhuggerverki, standa yfir kórbita. “ Þær voru síðast á grindunum fyrir kórloftinu þar sem eftirmyndir þeirra standa nú. (Texti eftir Þór Magnússon). (Sett inn af Sigrúnu Blöndal, 6.5.2011)
Aðrar upplýsingar
Efni
Safnnúmer
Safnnúmer A: Víd-149
Stærð
45.6 x 16.5 x 11.3 cm
Lengd: 45.6 Breidd: 16.5 Hæð: 11.3 cm
Staður
Staður: Þingeyrakirkja, Kirkjan, 541-Blönduósi, Húnabyggð
Aðfangategund
Undirskrár
Undirskrá: Vídalínsafn (Víd)
Efnisorð / Heiti
Efnisorð: Helgimynd
Heimildir
Þóra Kristjánsdóttir. Mynd á þili. Reykjavík, 2005: bls. 60 - 63. Kirkjur Íslands 8.bindi. Ritstjórar: Jón Torfason, Þorsteinn Gunnarsson. Reykjavík, 2006.
Upprunastaður
65°33'16.0"N 20°24'14.8"W