Skipslíkan
1945
Varðveitt hjá
Þjóðminjasafn Íslands
Líkan af skuttogara ásamt undirstöðu.
Undirstaðan er smíðuðaf Hermanni Guðmundssyni fyrrv. alþ. og framkvstj.
í Hafnarfirði árið 1986.
Árið 1944 auglýsti togaranefndin
svo kallaða eftir tillögum um framtíðartogarann. Nokkur erindi bárust,
meðal annars frá Andrési Gunnarssyni vélstjóra, sem hafði í fórum sínum
hugmyndina að skuttogurum framtíðarinnar. Tillögur hans voru hins vegar
allt of róttækar á þessum tíma og því sýndu þeir sem um málið fjölluðu
hugmyndinni lítinn áhuga. Kynnti Andrés hana einnig í Englandi 1946, en
varð ekki ágengt. Fyrsti sérsmíðaði skuttogarinn leit dagsins ljós í Bretlandi
árið 1954, en þróun þessarar skipagerðar átti þó enn talsvert í land. Fyrstu
skuttogararnir voru stór verksmiðjuskip, óhentug íslenskum aðstæðum.
Sigurður Jónsson smíðaði líkanið
árið 1945.
Ýmis gögn um hugmynd Andrésar Gunnarssonar
að skuttogara eru í skjalasafni Sms, þ.e. bréfaskipti hans árið 1946 við
Félag íslenskra botnvörpuskipaeiganda og Skipstjóra- og stýrimannafélagið
Ægi, auk skriflegrar "lýsingar á skipi".
Aðrar upplýsingar
Ártal
1945
Efni
Safnnúmer
Safnnúmer A: Sms
Safnnúmer B: 1986-221
Stærð
1.17 x 15 x 0 cm
Lengd: 1.17 Breidd: 15 Hæð: 0 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Sjóminjasafn (SMS)
Efnisorð / Heiti
Efnisorð: Skipslíkan
Heimildir
Á íslenskur hugvitsmaður skuttogarahugmyndina?
Þjóðviljinn 11. nóvember 1969, bls. 9.
Eru skuttogarar íslensk uppfinning?
Rætt við Andrés Gunnarsson, hugvitsmann og vélstjóra, sem setti fram
hugmyndir um skuttogara árið 1945. Tíminn 24. mars 1974.
Jón Kr. Gunnarsson,
1991. Sjávarniður og sunnanrok, viðtöl við 5 valinkunna sjósóknara. Akureyri.
Þorleifur Óskarsson, 1991. Íslensk
togaraútgerð 1945-1970, bls. 37. Reykjavík.
Sindri Freysson, 1992. Enginn er
spámaður. Saga af draumaskipi sem aldrei varð að veruleika. Morgunblaðið
17. maí 1992.
Fleiri viðtöl hafa birst við Andrés
Gunnarsson á prenti en hér er getið.