Seiðhrífa
1970
Varðveitt hjá
Þjóðminjasafn Íslands
Seiðhrífa, eftirlíking. Gefandi
segir að hún sé eftirlíking af seiðhrífu eins og hann notaði á Brekku í
Hvalfjarðarstrandarhreppi í ungdæmi sínu. Hausinn, sem er úr járni og blámálaður,
var nokkuð breiðari um sig á ekta hrífum, eða sem svaraði einum tindi.
Tindar á ekta hrífum voru smíðaðir úr skeifuteini og lítið eitt mjórri
en á þessari eftirlíkingu. Ekki tíðkaðist að mála hrífur af þessu tagi.
Gefandi segir að skaftið sé eins og á frumgerðinni. Seiðhrífur voru notaðar
til að ná kræklingi á sjávarbotni úr báti . Gefandi segir að beitukræklingur
hafi síðast verið tekinn frá Brekku um 1920-1930. Var þá hætt að nota seiðhrífur
þar um slóðir. Seiðhrífur voru notaðar þegar of djúpt var orðið til að
ná kræklingnum með höndunum. Seiðhrífur voru algengar við kræklingatekju
í Hvalfirði. Gefandi lét smíða eftirlíkinguna um 1970, og lét þá búa til
tvö eintök. Hitt eintakið fór á Byggðasafnið á Akranesi. Þetta eintak er
komið í Sjóminjasafnið eftir ábendingu frá Hallgerði Gísladóttur á þjóðháttadeild
Þjóðminjasafns Íslands.
Aðrar upplýsingar
Ártal
1970
Efni
Safnnúmer
Safnnúmer A: Sms
Safnnúmer B: 1992-20
Staður
Staður: Brekka, 301-Akranesi, Hvalfjarðarsveit
Aðfangategund
Undirskrár
Undirskrá: Sjóminjasafn (SMS)
Efnisorð / Heiti
Efnisorð: Seiðhrífa
Upprunastaður
64°23'57.8"N 21°30'18.8"W