Högnakylfa
1937
Varðveitt hjá
Þjóðminjasafn Íslands
Högnakylfa, smíðuð af gefanda, úr beyki, lökkuð gul að lit. Grindin, sem lausu stykkin eru felld utan á, er eins og þríálmaforkur í laginu, límd saman að neðan og greypt niður í skaftið. Er hún um 28,5 cm að hæð upp frá skaftinu, breidd 9 cm. Lausu stykkin, sem saman eru felld, eru 36 að tölu, lengd þeirra er 9,2 cm, breidd 1,4 - eða tvö saman 2,8 cm. Skaftið er 33 cm að lengd, eru á því hnúðar fremst og aftast, sá fremri er næstum því ferhyrndur en þó nokkuð aðskorinn bæði framan og aftan, lengd haus er 9 cm, breidd 6,2 cm; sá eftri er bogadreginn og gengur í eitt með hlið skaftsins öðru megin, en myndar hálfhring hinu megin, þvermál hans er 5,6 cm, breidd skaftsins er 4,1, þykkt 3,3 cm. Á báðum breiðari hliðum skaftsins eru tvær 8 odda stjörnur sín á hvorum hnúð, eru 4 blöð hverrar stjörnu og umgerðir um þær úr hvalskíði, sem greypt er inn í tréð. Á milli stjarnanna eru greyptir á hvorri hlið 3 tíglar úr hvalskíði. Í mjórri hliðarnar eru greyptir tiglar úr hvalskíði, 4 öðru megin, en 5 hinu megin. Meðfram öllum köntum og í miðlínu allra hliðanna (á milli tíglanna) eru felldar inn mjög smáar doppur úr hvalskíði, og á endanum er ártalið 1937 myndað úr samskonar doppum.
Aðrar upplýsingar
Ártal
1937
Efni
Safnnúmer
Safnnúmer A: L-62
Stærð
33 x 0 cm
Lengd: 33 cm
Aðfangategund
Undirskrár
Undirskrá: Listiðnaðarsafn (L)
Efnisorð / Heiti
Efnisorð: Högnakylfa