Göngustafur
1940
Varðveitt hjá
Þjóðminjasafn Íslands
Göngustafur, með útskornum hún úr fílabeini eftir Ríkarð Jónsson, myndhöggvara, og stöng úr íbenholti. Húnninn er íboginn með stétt að aftan, 12 cm að lengd milli enda, ekki alveg sívalur, þvermál 2,1 og 2 cm. Kringum stéttina er skorin hlekkjafesti og aftan á hana skip á siglingu í öldóttum sjó. Áttablaða rós er skorin á hvora hlið og lína eins og snúinn strengur með þremur slaufum á eftir endilöngu. Framan á ..... eru skornir stafirnir GG. Neðst undir bugnum er fangamark smiðsins R.J. Efst á stönginni er gullhólkur 2,3 cm að breidd, með mjóum, tvöföldum bryggjum að ofan og neðan og stimpli "JJ 14K". Á hann er grafinn áletrunin: "Alþm. Guðjón Guðlaugsson / Kveðja og þakkir frá vinum og / kjósendum í Hrútafirði."
Öll lengd stafsins er 87,5 cm, en stöngin frá hún að broddi er 81,5 cm, þvermál efst 2, neðst 1,3 cm. Stöngin gengur niður í nýsilfurhólk 3,5 cm að breidd og neðan í stálbroddur (skór) 1 cm.
Aðrar upplýsingar
Ártal
1940
Efni
Safnnúmer
Safnnúmer A: L-66
Stærð
85.7 x 0 cm
Lengd: 85.7 cm
Aðfangategund
Undirskrár
Undirskrá: Listiðnaðarsafn (L)
Efnisorð / Heiti
Efnisorð: Göngustafur