Björgunarbátur
1958
Varðveitt hjá
Þjóðminjasafn Íslands
Björgunarbátur úr gúmmí og bómullarvefnaði
fyrir fjóra menn. Tegund Elliot. Jóhannes og Marteinn Tómassynir í Vestmannaeyjum
keyptu bátinn til landsins, líklega 1958, en þeir fluttu eitthvað inn af
slíkum bátum um skeið. Báturinn mun hafa verið til sýnis á sjómannadaginn
í Eyjum í einhver skipti og þá aðallega vegna smæðar sinnar. Með bátnum
fylgja tvær litlar árar, loftdæla og lítill hnífur. Með fylgja ennfremur
hvít segldúkstaska (Sms. 1995-12-2) og trékassi (Sms. 1995-12-3). Á hlið
töskunnar má lesa framleiðsluár björgunarbátsins eða febrúar 1958.
Gefandi keypti gúmmíbjörgunarbátinn
og setti um borð í fiskibát sinn Sæbjörgu RE 315, skipaskrárnúmer 5245,
árið 1970. Sæbjörg var 4,25 brl. Gefandi segir að björgunarbáturinn hafi
verið mjög stutt í Sæbjörgu því síðar á árinu keypti hann annan bát sem
bar sama nafn og umdæmisnúmer, en var nokkuð stærri eða 7,85 brl. Þessi
bátur bar skipaskrárnúmerið 5168. Björgunarbáturinn var um borð í síðari
Sæbjörgu til 1993, síðustu árin til vara, en hún var tekin af skrá 30.
mars 1993. Eftir þetta var björgunarbáturinn geymdur hjá Gúmmíbátaþjónustunni,
Eyjaslóð 9, Reykjavík, eða þar til hann var gefinn Sjóminjasafninu. Báturinn
er í mjög góðu standi og lét Ásgeir Óskarsson framkvæmdastjóri Gúmmíbátaþjónustunnar
gera bátnum til góða áður en hann var afhentur safninu á kostnað fyrirtækisins.
Aðrar upplýsingar
Ártal
1958
Efni
Safnnúmer
Safnnúmer A: Sms
Safnnúmer B: 1995-12-1
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Sjóminjasafn (SMS)
Undirskrá: Bátaskrá
Efnisorð / Heiti
Efnisorð: Björgunarbátur
Heimildir
Heimildamaður: Jóhannes Tómasson,
Fífilgötu 8, Vestmannaeyjum. Munnlegar upplýsingar 15. jan. 1996.
Jón Björnsson, 1999. Íslensk skip,
bátar 3, bls. 87, 99-100. Reykjavík.