Skrifborð
1800 - 1850
Varðveitt hjá
Þjóðminjasafn Íslands
Skrifborð úr mahógný, eða að sumu
leyti mahógnýspónlagt og úr hvítum laufviði og furu. Borðplatan sjálf er
88,7x52,6 cm. að st. Undir henni er skotald, sem er með 2 hólfum: er rennilok
yfir því sem er til vinstri handar: er það skygt ofan, svo sem borðið alt
utan, og má ýta því aptur þegar skotaldið er dregið fram: en yfir hægra
hólfi er lok, klætt grænu klæði og má lypta upp lokinu, ef skothaldið er
tekið fram: aptan við lokið er skygð fjöl yfir nokkrum hluta hólfsins.
Framdregið og lokað hefur mátt sitja við skotaldið svo sem skrifborð. -
Undir því eru 2 önnur skotöld, hvort við annars hlið: hæðin undir þau frá
gólfi er 55,5 cm., en undir borðplötuna 76 cm. Standa undir henni 4 ferstrendir,
niðurmjóir fætur. Borðplötuna hefur mátt draga fram í fyrstu, enn nú er
hún föst . Ofaná henni er skápur og hefur platan getað dregist undir honum,
því að hann hvílir á föstum fjölum, sem eru sín hvoru megin. Hann er 83,6
cm. að br., en brúnin efst tekur auk þess nokkuð útfyrir. Hann er 54,5
cm. að h. uppá há brún, en með yfirbyggingu í miðju, sem er 11 cm. há og
38,8 cm.br., með einu skotaldi í, og fjölum á rönd beggja vegna og á skápsendunum.
Framhliðin á því skotaldi er með bláu, ágljáðu gleri og svörtum íbenviði
til beggja enda á glerinu er skrautverk, steypt úr kopar, settir saman
skrautstafir og önnur áhöld til Bakkusargöngu, einkum ýms viðeigandi hljóðfæri,
og vínkanna, og alt vafið vínviði: er á því fallegt verk. En á íbenviðarþynnurnar
eru settar vínviðargreinar úr kopar og eru þær jafnframt höldur til að
draga út á skotaldið. Á skápnum eru neðst 2 skotöld, hvort við annars hlið,
bæði með skrá, sem og hin 3 undir borðplötunni: en fyrir ofan þau 2 eru
4 hólf í skápnum og er lokað með eins konar renniloki, sem rennt er niður
fyrir framan þau, en hverfur inn fyrir ofan þau er það er dregið upp: það
er vel beygjanlegt, því að það er samsett af þunnum rimlum, sem eru límdir
á striga: því má læza niður. Það er með látúnskúlum 2, til þess að loka
í er það er dregið til, en þær munu ekki vera upprunalegar, heldur hefur
þetta rennilok í fyrstu verið fest við apturrönd borðplötunnar, gengið
niður alla leið bak við hólfin, og dregist upp er hún var dregin út en
runnið fyrir er hún var sett inn. Beggja vegna við það eru stoðir úr hvítum
marmara, með fæti og höfði úr kopar. Er á þessu öllu ágætt smíði og húsgagnið
hið skrautlegasta. Það er sennilega frakkneskt að uppruna og frá byrjun
19. aldar: er helst með, empiri-lagi. Hefur fyrrum tilheyrt Bjarna kaupmanni
Sigurðssyni (Sivertsen) í Hafnarfirði og hafði að sögn tilheyrt áður Friðriki
konungi 6. -Síðast átti það frú Steinunn Thorarenzen frá Kálfatjörn, sonardóttir
Bjarna.
Aðrar upplýsingar
Ártal
1800 - 1850
Efni
Safnnúmer
Safnnúmer A: 7108
Safnnúmer B: 1916-31
Stærð
88.7 x 52.6 x 0 cm
Lengd: 88.7 Breidd: 52.6 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Skrifborð