Drykkjarhorn
1450 - 1500
Varðveitt hjá
Þjóðminjasafn Íslands
Úr aðfangabók:
Drykkjarhornið er ljóst nautshorn og virðist vera frá lokum 15. aldar. Á því er mikill og vandaður útskurður. Efst eru beggja vegna myndir, annars vegar af Kristi krossfestum í faðmi Guðs föður náðarstóllinn svonefndi og dúfa yfir mynd Krists, hins vegar heilög Anna. Yfir myndinni eru leturbogar. Um mitt hornið er skorin akantusflétta en neðst skákornar bandfléttur og akantusskraut. Umhverfis brúnina hefur verið beit úr málmi sem nú er af. Ekki sést hvort stikill hefur verið málmsleginn. Hornið er nokkuð skert en ekki til stórskemmda. Sums staðar hefur flagnað af skurðinum, beitin er af og stikillinn hefur einhvern tíma verið sagaður af. Hugsanlega hefur botn verið settur í víðari endann og tappi í stiklsendann og horninu breytt í brennivínshorn eða jafnvel púðurhorn, en þessi urðu örlög margra hinna fornu drykkjarhorna frá miðöldum. Þrátt fyrir þetta er hornið hinn fegursti gripur og mjög vel skorið og er afargóð viðbót við þau fornu drykkjarhorn, sem voru í Þjóðminjasafni.
Stærð hornsins: H. 23,5, þv. að ofan 7,2 og þv. stikils 2,5 cm. Þjms. hreppti það á uppboði á Aalholm á Lálandi 20. maí 1996. Minjar og saga greiddu uppboðsverðið og færðu safninu hornið að gjöf. Var í eigu greifaættarinnar Raben - Levetzau, en um fyrri feril þess er ekki vitað.
Be ye welcome, good my friends! Icelandic carved horns (translation by Anna Yates):
The Aalholm Horn from the 15th century [...] was presented to the National Museum in 1996 by Minjar og saga, the Museum´s association of Friends.
Aðrar upplýsingar
Gefandi: Minjar og saga
Ártal
1450 - 1500
Efni
Safnnúmer
Safnnúmer B: 1996-253
Stærð
23.5 x 0 cm
Lengd: 23.5 cm
Staður
Núverandi sveitarfélag: Aalholm, Aalholm
Sýningartexti
Drykkjarhorn með útskornum myndum, annars vegar af Kristi krossfestum í faðmi Guðs föður en heilagri Önnu hins vegar, einnig er akantusskraut og bandfléttur. Horninu hefur síðar verið breytt í brennivínshorn eða púðurhorn, eins og mjög var algengt. Hornið var keypt frá Danmörku árið 1996 fyrir tilstilli Minja og sögu, stuðningsfélags Þjóðminjasafnsins. Líklegast frá lokum 15. aldar.
1996-253
Útskorið drykkjarhorn með myndum af Kristi upprisnum í faðmi Guðs föður, einnig heilagri Önnu og skrautfléttum. Keypt frá Danmörku árið 1996 fyrir tilstilli vinafélags Þjóðminjasafnsins. Líklegast frá lokum 15. aldar.
Spjaldtexti:
Horn með myndum af heilagri Önnu með Maríu og Jesúbarnið í fanginu. Einnig má sjá Krist krossfestan í faðmi Guðs föður. Frá 15. öld.
Drinking horn with images of St. Anne, Mary and infant Jesus, and Christ on the cross in the embrace of God the Father, 15th century.
Aðfangategund
Undirskrár
Undirskrá: Munasafn
Efnisorð / Heiti
Efnisorð: Drykkjarhorn
Heimildir
Ellen Marie Mageröy. „Islandsk hornskurd.“ Bibliotheca Arnamagnæa, Supplementum, Vol. VII. Köbenhavn 2000, bls. 124-125.
Guðvelkomnir , góðir vinir! Útskorin íslensk horn. Ritstjóri: Bryndís Sverrisdóttir. Rit Þjóðminjasafns Íslands 24. 2011.
Be ye welcome, good my friends! Icelandic carved horns. Editor Bryndís Sverrisdóttir. Rit Þjóðminjasafns Íslands 24. 2011.