Til baka í leit
Veistu meira?

Skærabrot, óþ. hlutv.

800 - 1000
Varðveitt hjá
Þjóðminjasafn Íslands
Skærabrot allmörg úr járni; verða nú ekki sett saman, en samkv. eldri lýsingu í Árb. 1880-81, bls. 57, hafa brotin fyrst verið 6 og skærin virzt vera nær 26 cm. að lengd. Þau hafa verið með því lagi sem nú tíðkast á sauðaklippum og voru slík skæri algengust á víkingaöldinni og hafa opt fundist í dysjum frá þeim tíma í Noregi, bæði karlmanna- og kvenna-dysjum. - Brotin vega nú alls 100 gr.

Aðrar upplýsingar

Ártal
800 - 1000
Efni
Safnnúmer
Safnnúmer A: 1775 Safnnúmer B: 1880-6-2
Stærð
26 x 0 cm Lengd: 26 cm
Staður
Staður: Kornsá, 541-Blönduósi, Húnabyggð
Sýningartexti
Haugfé úr óvenju ríkulegu konukumli, sem fannst á Kornsá í Vatnsdal árið 1879. Höfðu margir góðir gripir verið lagðir með konunni og fundust leifar af katli, þ. e. eldunarpotti, og  vogarskál, að auki vandaðir skartgripir. Af þeim fundust í gröfinni steinasörvi, þ.e. hálsfesti með perlum úr gleri, rafi og bergkrystalli, og virðist einnig hangið á sörvinu smábjalla úr bronsi sem í gröfinni fannst, lík fleirum sem fundist hafa hérlendis, og tvær tvær tungulaga nælur með skrautverki í Jalangursstíl. Þá voru hlutir tengdir hannyrðum, lítil töng úr bronsi, skæri úr járni, kambur úr beini og vefjarskeið úr hvalbeini, svo og hnífur. Virðist því mega ráða af haugfénu, að konan hafi verið vefnaðar- og hannyrðakona. Gröfin er talin frá síðari hluta 10 aldar. 1774 - 1783 Haugfé úr kumli konu frá víkingaöld. Í gröfinni fundust eldurnarpottur og metaskálar en að auki steinasörvi ásamt lítilli bronsbjöllu, tvær tungulaga nælur með dýraskrauti í Jalangursstíl, töng úr bronsi, skæri, kambur úr beini og vefjarskeið úr hvalbeini og hnífur. Ætla má, að konan hafi verið vefnaðar- og hannyrðakona. Gröfin er frá Norðurlandi, talin frá  síðari hluta 10. aldar.
Aðfangategund
Undirskrár
Undirskrá: Fundaskrá_Munir Undirskrá: Fundaskrá
Efnisorð / Heiti
Heimildir
Kristján Eldjárn. Kuml og haugfé. Reykjavík 2000, bls.125-127. Sigurður Guðmundsson. "Kornsár-fundurinn." Árbók Hins íslenzka fornleifafélags 1880 og 1881. Reykjavík 1881, bls. 57-64.

Upprunastaður

65°24'1.1"N 20°16'43.6"W