Grafskrift
Varðveitt hjá
Þjóðminjasafn Íslands
Grafskrift yfir Eggert Guðmundsson, máluð með hvítum, stórum latínustöfum á svartmálað furuspjald. Það er innrammað með strikuðum listum, sem eru grámálaðir nema yzta brúnin, sem er rauð. Upp af rammanum er burst og á bjórinn er málaður hvítur blaðasveigur utan um þessi orð: MINNING GÓÐS BÓNDA. Grafskriftin sjálf er stuðluð og hljóðar þannig: HÉR VIÐ KIRKJU HYLUR GRÖF LÁTINN EGGERT GUÐMUNZSON (stafirnir hallast) ATORKU BÓNDA: AFKVÆMA FJÖLD HANN ÓL OG MANNKOSTI, Í ARF SEM ÞEIM LEIFÐI ORZTÝR MÆTAN. HANN VAR FÆDDUR HINN TÍUNDA DAG Í APRÍL ÁTJÁN HUNDRUÐ: TUTTUGU OG TVEIM ÁRUM SÍÐAR KRISTÍNU SÉR TIL (nafnið skáletrað) KONU FESTI. HEIM ÞÁ KVADDI ER HAFÐI LIFAÐ HANN TVÖ ÁR Á TUG FJÓRÐA, HARMDAUDI ÖÐRUM ER UNNU DYGÐUM, ATORKU BÚSKAPS OG ÆTTJARÐAR SÓMA. TÓMÁS EGGERTSSON 1852 HS Minningartöflu þessa hefur málað séra Helgi Sigurðsson, og eru stafir hans undir. Tvær járnlykkjur eru festar aftan á brustina, ætlaðar til að tengja töfluna á. Taflan var í Kolbeinsstaðakirkju, og er hún var tekin þaðan, tók Kristján í Dalsmynni hana til sín, þar til hún kom til safnsins.
Aðrar upplýsingar
Efni
Safnnúmer
Safnnúmer A: 13122
Safnnúmer B: 1943-27
Staður
Staður: Kolbeinsstaðakirkja, 311-Borgarnesi, Borgarbyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Grafskrift
Upprunastaður
64°49'17.5"N 22°15'39.5"W