Altaristafla
1847
Varðveitt hjá
Þjóðminjasafn Íslands
Altaristafla, máluð á léreft, 46,5 x 62 cm að stærð, í breiðum og sterklegum, strikuðum og máluðum ramma með útskornum, máluðum rósum í hornunum. Hann er 66 cm breiður og 80 cm hár. Málverkið er af Kristi og samversku konunni. Situr frelsarinn við brunnin til hægri, en konan stendur til vinstri og er að hella í vatnsker sitt með brunnkerinu, sem er fest við brunninn með hlekkjafesti. Er konan í grænum kjól, en Kristur í rauðri skikkju. Fyrir aftan hann eru nokkur pálmatré, en í baksýn sjást 4 menn og enn lengra frá hæð og borg, er ber við himin. Fyrir neðan málverkið er breiður dökkblár bekkur með þessari áletrun: KRISTUR OG SAMVERSKA KONAN. JOHANNES 4da K. Gefið Krossholtskirkju af S. Helgas. 1847. Fremur er málverkið lítilfjörlegt. Það er eftir séra Helga Sigurðsson á Jörfa, sbr. frumteikningu í málverkasafninr. 134. Hefur hann málað það fyrir Sigurð, föður sinn, er hefur gefið kikjunni það. Þegar kirkjan var lögð niður í Krossholti hefur það verið flutt í Kolbeinsstaðakirkju og þaðan kom það til safnsins.
Aðrar upplýsingar
Ártal
1847
Safnnúmer
Safnnúmer A: 11891
Safnnúmer B: 1935-212
Stærð
46.5 x 62 cm
Lengd: 46.5 Breidd: 62 cm
Staður
Staður: Kolbeinsstaðakirkja, 311-Borgarnesi, Borgarbyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Altaristafla
Upprunastaður
64°49'17.5"N 22°15'39.5"W