Fermingarklæðnaður
Varðveitt hjá
Þjóðminjasafn Íslands
Fermingarkyrtill
tvískiptur. Neðri hlutinn er vítt sítt pils, hvítt (gulleitt) að lit. Sídd
96 cm, Br.1,12 cm. Pilsið er rykkt saman í mittið og krækt saman með einum
krók. Neðarlega á pilsinu eru þrjár hvítar silkileggingar með 6 cm millibili.
Pilsið er úr þunnu hörefni og hálfgagnsætt nema neðst, þar er 19,5 cm breiður
faldur sem nær upp fyrir leggingar. Efri hlutinn er blússa úr sama efni
með hálfsíðum ermum sem víkka niður á við. Blússan er tekin saman að aftan
með bandi er rykkist um mittið og sennilega hefur verið krókur í hálsmáli
en hann vantar. Við hálsmál eru 2 silkileggingar og er 2 cm bil á milli
þeirra. Einnig eru 2 samskonar leggingar neðarlega á ermum, við ermakantinn
er fínlegt krullað kögur, það er einnig í hálsmáli.
Kyrtillinn er sagður
fermingarkyrtill Guðrúnar Jónsdóttur dóttur Jóns bónda í Arnardal, eiginkonu
Guðmundar Rósinkarssonar bónda í Æðey. Guðrún var fædd 1852 og hefur líklega
verið fermd 1866 að því að talið er. Kyrtillinn sem tilheyrði íslenska
skautbúningnum var þó ekki til fyrr en um 1870 (sbr. Þjóðólfsgrein). Hefur
þessi kyrtill þá öllu heldur verið brúðarklæðnaður Guðrúnar en hún gifti
sig árið 1872.
Síðar var kyrtillinn
þó alltaf notaður við fermingar í fjölskyldunni.
Mynd af Guðrúnu er
til í Þjóðminjasafninu-hópmynd nr. 14746. Þar er Guðrún fullorðin á peysufötum.
Aðrar upplýsingar
Efni
Safnnúmer
Safnnúmer B: 1973-84
Stærð
96 x 112 x 0 cm
Lengd: 96 Breidd: 112 Hæð: 0 cm
Staður
Staður: Æðey, Betuhús, 401-Ísafirði, Ísafjarðarbær
Aðfangategund
Undirskrár
Undirskrá: Munasafn
Efnisorð / Heiti
Efnisorð: Fermingarklæðnaður
Upprunastaður
66°5'59.3"N 22°39'33.5"W