Næla, til skrauts

900 - 1100

Varðveitt hjá

Næla úr bronsi, neðra hvolfið aðeins, sporöskjulagað, eins og títt er um slíkar nælur frá víkingaöld, töluvert sködduð á brúnum, nú 9,6 cm að lengd og 5,6 cm að breidd, en bæði þessi mál eru lægri en upphaflega hefur verið vegna skerðingar brúnanna. Hæð nælunnar (þ.e. undirhvolfsins) er 3 cm, og virðist hún munu hafa verið óvenju lág. Ofan á henni eru götin eftir naglana, sem fest hafa efra hvolfið á, og þar að auki sjást 2 bronsnaglar í götum, hvort sem það eru festinaglar eða leifar frá steypingunni. Rétt fyrir neðan brún efra hvolfsins eru 8 lítil göt, 2 og 2 saman á miðjum endum og hliðum, sbr. nælurnar frá Álaugarey nr. 10/8 '34. Venjulegar dýramyndir eru á skrautbekk undirhvolfsins, en ekki er unnt að skera úr, hvort nælan hefur verið af Borróstílsgerð eða eitthvert afbrigði af Rygh 652. - Fundið eftir sléttun í móa fyrir norðaustan bæinn, norður frá hofrúst þar. Höfðu þar áður fundizt hrossbein. Bendir það að vísu til að kuml hafi verið þarna, en Böðvar á Rútsstöðum sagði mér í sumar (1946) að hrossbein þessi hefðu verið fjölmörg og víða dreifð. Ef hofrústin er hofrúst, þá er fullt eins líklegt, að hrossbein þessi stafi frá blótveizlunum.