Til baka í leit
Veistu meira?

Koffort, + hlutv.

Varðveitt hjá
Þjóðminjasafn Íslands
Koffort, tvö (1962:211 + 212), með sama lagi, en misstór nokkuð, sem átt hefur og notað Hans póstur. Eru þau af hinni venjulegu gerð ferðakofforta, smíðuð úr furu, geirnegld og negld saman með járnnöglum, með flötu loki, sem nær út yfir hliðar, en hjarir, lykkjur og læsingarútbúnaður úr járni. Hafður segldúkur á loki og efst á baki og blikkþynnur á gaflbrúnum. Höldur úr tré við gafla á stærra koffortinu. Bæði eru grænmáluð utan. Mest lengd kofforts þessa við lok, um 60 cm, mest breidd 33 cm, hæð 36,5 cm og þykkt fjala um 1,7 cm mest. Eru í lokplötu fjórar fjalir, langsum, greyptar saman á brúnum, en oki negldur undir gafla, um 2,4 cm breið spík, þykkt 1,7 cm, með úrtaki, íbjúgu, á endum að neðan, í hliðum ein fjöl, og geirnegling við horn, en í botni þrjár, greyptar saman og festar með járnnöglum. Á koffortinu eru tvennar hjarir með ferhyrndum plötum, þær skrúfaðar á lok að innan og bakið, en grunnt skarð í brún bakfjalar gegnt þeim, mest breidd um 5,5 cm. Skrá felld innan á framhliðarfjöl við miðju, uppi við brún, og gert skráargat, er skráin nú ónýt, og krossviðarplata negld yfir, hefur verið sett hespa á koffortið og læst með hengilás. Lykkjur, tvær, til að hengja koffortið upp á, eru settar á bakhlið, og ekki langt frá hornum, lóðréttar spangir með auga efst, sem hallar út, festar með hnoðnöglum, en ræma úr blikki andspænis á bakhlið innanverðri, lengd lykkja mest 22,4 cm, mest breidd við auga 3,6 cm. Á miðri framhlið lóðrétt spöng, fest með hnoðnöglum og negld að, augu á enda og þar sporbaugslaga hringja, í hina neðri fest ól, spöngin með hringjum innan við 29 cm á lengd, lengd ólar 38 cm. Yfir brúnir á göflum eru lagðar blikkþynnur, að framan, aftan og við botninn og neglt að með járnnöglum. Bundinn vírspotti í aðra lykkjuna á baki. Dálítið hefur koffortið skekkst, viður fúinn og mjög sprunginn, skarð í brúnina hjá skrá, dúkurinn á loki farinn að losna og rifna, og bót á, hespuplatan laus, ryð á járni og hjarirnar illa fastar. Koffortið er blettótt innan, en að utan all skrámótt og málning eydd nokkuð á hornum. Verið hefur blikkræma á neðri brún framhliðar og sjást þar göt eftir nagla. Jón Helgason, faðir gefanda, fékk koffortin hjá Hans pósti og notaði þau á bóksöluferðum.

Aðrar upplýsingar

Efni
Safnnúmer
Safnnúmer B: 1962-211
Stærð
60 x 33 x 36.5 cm Lengd: 60 Breidd: 33 Hæð: 36.5 cm
Aðfangategund
Undirskrár
Undirskrá: Munasafn
Efnisorð / Heiti