Panta mynd Notkunarskilmálar

Rúmfjöl

1800

Varðveitt hjá

Þjóðminjasafn Íslands

Úr aðfangabók: (Skrifað af Páli Melsteð þegar hann gaf Þjóðminjasafninu fjölina árið 1882) Rúmfjöl úr furu, l. 114,5 cm., br. 16,4 cm., þ. 1,7 cm. Á miðju og á báða enda eru annars vegar skorin sex blaða blóm en í milli þeirra kringla eru við rendur skornar eins konar snúrur sem mynda eins konar tígla, og á milli þeirra, beggja vegna við miðblómið, 2 höfðaleturslínur. Skurðurinn er allur grunnur, en fremur áferðarfallegur. Áletrunin er hið alkunna kvöldbænarvers, sem sett var á margar rúmfjalir ( sbr. nr. 1132 t.d.): vertu ifer og allt um / kring med eilifre blessa ( þ.e. blessan ) / þin(n)e site guds einglar sa / man í hring sængine (yfer ) mi(nne). Hins vegar er fjölin sljett sem venjulegt er. Gefandinn hefur skrifað eptirfylgjandi skýrslu um rúmfjöl þessa: Rúmfjöl þá, er eg hefi gefið forngripasafninu í Rvík, hefir Þórður biskup Thorlacius í Skálholti sjálfur smíðað og átt. Brynjólfur sonur hanns fekk hana og flutti að Hlýðarenda. Helga dóttir Brynjólfs varð því næst eigandi fjalarinnar. Dóttir Helgu og Sigurðar landskrifara á Hlíðarenda var Jóunn kona sr. Gísla Þórarinssonar í Odda. Þannig komst fjölin að Odda. Eftir að Jórunn Sigurðardóttir varð ekkja, fluttist hún ( og fjölin með henni ) suður að Brekku á Álftanesi, og dó þar árið 1834 eða 1835. Þá komst fjölin í eigu frú Sigríðar ( sem var dóttir Jórunnar Sigurðardóttur og Sr. Gísla Þórarinssonar ) konu Ísleifs etatsráðs Einarssonar. Dóttir þeira Ísleifs og Sigríðar var Jórunn fyrri kona mín. Með Jórunni eignaðist eg þessa rúmfjöl árið 1840. Á fjölina hefir Þórður bp skorið þessa vísu : vertu yfir o.s.frv. Þegar hjá mjer brann á Brekku í jan. 1844, greip eg þessa fjöl og kastaði henni út á gaddinn: þannig var henni borgið í það sinni. Úr Mynd á þili: (Texti Þóru Kristjánsdóttur) Sjá umfjöllun um Þórð Þorláksson bls. 74 - 77.