Til baka í leit
Veistu meira?

Húfa, sem höfuðfat

Varðveitt hjá
Þjóðminjasafn Íslands
Rauðbrún flauelishúfa með svörtum kanti. Húfan mjókkar upp á við eins og skotthúfa með dúsk á endanum en sá hluti hennar er brotinn og saumaður niður. 4,5 cm breiður kantur er neðst á henni skreyttur með útsaumuðu munstri. Það er mynd af tveimur drekum sem vefjast saman á hölunum en yfir enninu er kringlótt merki með kyndli en það tengist drekunum með hlekkjum. Lag húfunnar minnir á færeyskan stíl. Munstrið á húfunni teiknaði Tryggvi Magnússon og teikningin af því fylgir sjá safnnr. 1980:66. Litklæði Jóhannesar úr Kötlum sem hann bar á Alþingishátíðinni 1930. Safnnúmer 1980:65-1-7. Bréf fylgir búningnum og segir þar að Ungmennafélagshreyfingin hafi ætlað að fá nokkra unga menn til að bera þjóðhátíðarbúning úr alíslensku efni en aðeins Jóhannes hafi framkvæmt það. Þetta er ekki alveg rétt því fleiri fengu sér búning og er þar þekktastur Oddur sterki af Skaganum sem var mikið á ferðinni í sínum fornmannabúningi og einnig með alvæpni. Bréfið sem fylgir er svohljóðandi: „Þjóðhátíðarbúningur Jóhannesar úr Kötlum. 1930. Ungmannafélagshreifingin, kom með tillögu ári fyrir hátíðina að nokkrir ungir menn bæru íslenskan búning með fornu sniði á Alþingishátíðinni, helst úr alíslensku efni. Á þeim árum var dálítið erfitt að fá þau að öllu leiti alíslensk, en Jóh tókst það að að mestu en húfan er úr flaueli og eins svört flauelsbönd sem vóru vafin um fótleggi. Egkta geitarskinn var í skóm en sólaðir af skósmið, en systir Jóh saumaði skóna. Efnið í búningnum held ég að hafi verið ofið að Álafossverksmiðju. Silfrið á búningnum er smíðað af Þorkeli Sigurðssyni gullsmið, = bróðir Stefáns frá Hvítadal og er það fornmannamunstur. Updrátturin af útsaumsmunstrinu sem er á búningnum er frumteikning gerð af Tryggva Magnussyni listamanni hann gaf Jóhannesi frumteikninguna en Hróðný Einarsd kona Jóh saumaði allan útsaum. Búningurinn er saumaður af Guðrúnu Jónasdóttir systir skáldsins. Aðrir úngmannafélagar hættu við þáttöku með að koma sér upp búningum úr alíslensku efni og er því þetta sá eini sem er til af þessari gerð. Hróðný Einarsd.“

Aðrar upplýsingar

Efni
Safnnúmer
Safnnúmer B: 1980-65-1
Stærð
27 x 16 x 0 cm Lengd: 27 Breidd: 16 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti