Til baka í leit
Veistu meira?

Treyja

Varðveitt hjá
Þjóðminjasafn Íslands
Blá víð ullartreyja eða mussa með löngum ermum. Að neðan er 10,5 cm breiður svartur kantur með útsaumaðri mynd af drekum sem vefjast hver utan um annan og bíta á halana hver á öðrum. Samskonar kantur er á ermum og í hálslíningu. Teikning af mynstrinu fylgir með. Hún er u.þ.b. 79 cm löng og er blýantsteikning af drekum eins og mynstrið á treyjunni sýnir. Aftan á teikningunni er sagt frá silfrinu og búningnum. Teikningin er gerð af Tryggva Magnússyni. Hálsmál er opið um 25 cm niður og krækt saman með þremur silfurkrækjum. Hver krækja er með 3 útskorna silfurhausa með upphleyptum myndum. Neðst við enda opsins er þríblaða næla með sömu myndum og krækjurnar. Hróðný Einarsdóttir kona Jóhannesar saumaði allan útsaum á treyjunni. Guðrún allan vélsaum og Þorkell Sigurðsson silfursmíði. Litklæði Jóhannesar úr Kötlum sem hann bar á Alþingishátíðinni 1930. Safnnúmer 1980:65-1-7. Bréf fylgir búningnum og segir þar að Ungmennafélagshreyfingin hafi ætlað að fá nokkra unga menn til að bera þjóðhátíðarbúning úr alíslensku efni en aðeins Jóhannes hafi framkvæmt það. Þetta er ekki alveg rétt því fleiri fengu sér búning og er þar þekktastur Oddur sterki af Skaganum sem var mikið á ferðinni í sínum fornmannabúningi og einnig með alvæpni.

Aðrar upplýsingar

Efni
Safnnúmer
Safnnúmer B: 1980-65-7
Stærð
84 x 73 x 0 cm Lengd: 84 Breidd: 73 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Treyja