Konfektkassi

1955 - 1965

Varðveitt hjá

Konfektaskja utan af Víkíngs FESTINO konfekti . Askjan eða kassinn er úr pappa en er klædd með þunnum pappír í gylltum, gulum og rauðum litum með mynd af víkingaskipi og konu og karli sem ganga hönd í hönd. Fyrir neðan þau stendur: Víkíngs FESTINO Blandað Konfekt besta tegund. Pappírinn er all mikið rifinn. frá sælgætisgerðinni Lindu. Askjan er úr hvítum pappa með mynd af ungum dreng sem heldur á hvolpi. Askjan hafði einhvern tíma verið notuð undir heimatilbúnar spilatöflur og því hefur öskjunni verið skipt í tvö hólf með pappír og límbandi. Á neðra byrði botnsins er stimplað: NR. 1. Askjan er í góðu ástandi. Sælgætisgerðin Linda var stofnuð á Akureyri árið 1949 en ætla má að þessi konfektaskja sé frá því um 1955-1965. Gripirnir nr. Þjms. 2010-32 eru allir úr búi Jóhanns Hákonarsonar bifreiðastjóra (f. 1919, d. 1980) og Ragnhildar Sigurðardóttur húsmóður (f. 1921, d. 2008) sem bjuggu í Eskihlíð 13 í Reykjavík. Það var dóttir þeirra, Grímheiður Freyja Jóhannsdóttir, og bræður hennar sem afhentu gripina til safnsins, úr dánarbúi foreldra sinna. Freyja Hlíðkvist Ómarsdóttir og Lilja Árnadóttir, starfsmenn í munasafni Þjóðminjasafnsins, sóttu gripina á heimili þeirra Jóhanns og Ragnhildar í Eskihlíð 13. Einnig voru nokkrar ljósmyndir úr dánarbúi þeirra sem skráðar voru í Ljósmyndasafn Íslands.