Til baka í leit
Veistu meira?

Færslufata

Varðveitt hjá
Þjóðminjasafn Íslands
Nestisbox úr áli (í laginu eins og svokölluð engjaspenna). Þetta eru í raun þrjár skálar sem staflast hver ofaná aðra og svo er spenna með svörtu tréhaldi efst sem heldur skálunum föstum saman. Ofan á efstu skálinni er lok úr sama efni. Þetta er væntanlega einnig hugsað sem pottasett fyrir prímus því að með fylgir halda úr járni sem hægt er að krækja undir eyru á skálunum eða pottunum til að forðast það að brenna sig þegar pottarnir eru heitir. Um þessa höldu hefur verið vafið svörtu límbandi, væntanlega til enn frekari einangrunar. Gripirnir nr. Þjms. 2010-32 eru allir úr búi Jóhanns Hákonarsonar bifreiðastjóra (f. 1919, d. 1980) og Ragnhildar Sigurðardóttur húsmóður (f. 1921, d. 2008) sem bjuggu í Eskihlíð 13 í Reykjavík. Það var dóttir þeirra, Grímheiður Freyja Jóhannsdóttir, og bræður hennar sem afhentu gripina til safnsins, úr dánarbúi foreldra sinna. Freyja Hlíðkvist Ómarsdóttir og Lilja Árnadóttir, starfsmenn í munasafni Þjóðminjasafnsins, sóttu gripina á heimili þeirra Jóhanns og Ragnhildar í Eskihlíð 13. Einnig voru nokkrar ljósmyndir úr dánarbúi þeirra sem skráðar voru í Ljósmyndasafn Íslands. „Þegar ég vann í versluninni Hamborg á Klapparstíg sumrin 1964-1965 var þessi hlutur nefndur færslufata. Súpan sér, aðalmáltíðin sér og loks eftirréttur.“ (KE 2021)  

Aðrar upplýsingar

Efni
Safnnúmer
Safnnúmer B: 2010-32-2
Stærð
32 x 16 cm Lengd: 32 Breidd: 16 cm
Staður
Staður: Eskihlíð 13, 105-Reykjavík, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti
Efnisorð: Færslufata
Efnisorð: Nestisbox

Upprunastaður

64°8'5.9"N 21°55'5.8"W