Rakvélablaðapakki

1940 - 1960

Varðveitt hjá

Tveir pakkar af rakvélablöðum, óopnaðir. Blöðin eru af gerðinni MULCUTO TIP TOP HOLLOW GROUND, framleidd í Þýskalandi. Rakvélar (svokallaðar sköfur) urðu algengar í kringum 1930. Þær voru með margnota rakvélablöðum. Þessi rakvélablöð eru væntanlega eitthvað yngri, eða frá 5. eða 6. áratug 20. aldar. Í hvorum pakka eru 10 rakvélablöð úr stáli. Pakkarnir eru með teikningu af karlmanni að raka sig og konu fyrir aftan hann sem heldur utanum hann og hallar sér að vanga hans. Utanum pakkana, sem eru úr pappa, er plast sem aðeins er farið að rifna. Gripirnir nr. Þjms. 2010-32 eru allir úr búi Jóhanns Hákonarsonar bifreiðastjóra (f. 1919, d. 1980) og Ragnhildar Sigurðardóttur húsmóður (f. 1921, d. 2008) sem bjuggu í Eskihlíð 13 í Reykjavík. Það var dóttir þeirra, Grímheiður Freyja Jóhannsdóttir, og bræður hennar sem afhentu gripina til safnsins, úr dánarbúi foreldra sinna. Freyja Hlíðkvist Ómarsdóttir og Lilja Árnadóttir, starfsmenn í munasafni Þjóðminjasafnsins, sóttu gripina á heimili þeirra Jóhanns og Ragnhildar í Eskihlíð 13. Einnig voru nokkrar ljósmyndir úr dánarbúi þeirra sem skráðar voru í Ljósmyndasafn Íslands.